Bigg Boss6: తక్కువ మంది కంటెస్టెంట్లతో బిగ్ బాస్ 6.. వివాదాలకు చోటు లేకుండా జాగ్రత్తలు?

Bigg Boss6: బుల్లితెర ప్రేక్షకులు ఎప్పుడెప్పుడా అని ఎదురుచూస్తున్న సమయం రానే వచ్చిందని చెప్పాలి. బుల్లితెరపై అతిపెద్ద రియాలిటీ షో గా ఎంతో మంచి గుర్తింపు సంపాదించుకున్న బిగ్ బాస్ కార్యక్రమం ఎప్పుడు ప్రసారమవుతుందా అని అభిమానులు ఎంతో ఆతృతగా ఎదురుచూస్తున్నారు. ఈ క్రమంలోనే ఈ కార్యక్రమానికి సంబంధించిన ప్రోమో తాజాగా విడుదల చేశారు.

ఇకపోతే ఈ కార్యక్రమం సెప్టెంబర్ 4వ తేదీ నుంచి ప్రసారం కాబోతుందని వార్తలు వినపడుతున్నాయి త్వరలోనే దీనికి సంబంధించిన అధికారిక ప్రకటన కూడా వెలబడుతుంది. ఇకపోతే ఈసారి సీజన్ లో బిగ్ బాస్ నిర్వాహకులు తక్కువ మంది కంటెస్టెంట్లతో ఈ కార్యక్రమాన్ని కొనసాగించాలని భావించినట్లు తెలుస్తోంది. ఈ క్రమంలోనే ఈ సీజన్లో కేవలం 12 లేదా 13 మంది కంటెస్టెంట్లతో ఈ కార్యక్రమాన్ని నిర్వహించనున్నట్లు సమాచారం.

ఇకపోతే గత కొన్ని సీజన్ల నుంచి ఈ కార్యక్రమం ఎన్నో విమర్శలను ఎదుర్కొంటూ ఉంటుంది. ఈ కార్యక్రమాల ద్వారా జీవితంలో ఒకటి కావాల్సిన వాళ్ళు కూడా విడిపోతున్నారని, ఈ కార్యక్రమం చూసి చిన్న పిల్లలు కూడా తప్పుదోవ పట్టే అవకాశాలు ఉన్నాయి అంటూ పెద్ద ఎత్తున విమర్శలు వచ్చాయి. అయితే ఈసారి మాత్రం అలాంటి విమర్శలకు తావు లేకుండా నిర్వాహకులు అన్ని ఏర్పాట్లు చేశారని తెలుస్తోంది.

Bigg Boss6: హోస్ట్ గా నాగార్జున…

ఈ క్రమంలోనే ఈ కార్యక్రమం పై ప్రతి ఒక్కరు ఎంతో ఆసక్తిని కనబరుస్తున్నారు. ఇక ఈ సీజన్ కి కూడా నాగార్జున వ్యాఖ్యాతగా వ్యవహరిస్తున్నారని తాజాగా విడుదలైన ప్రోమో ద్వారా తెలుస్తోంది. ఇకపోతే రెండవ సీజన్ మాదిరిగా ఈ సీజన్లో కూడా కామన్ మ్యాన్ ఎంట్రీ ఉండబోతోంది.ఇప్పటికే ఈ కార్యక్రమంలో పాల్గొనే కంటెస్టెంట్లు వీళ్లే అంటూ పెద్ద ఎత్తున సోషల్ మీడియాలో కొందరు పేర్లు చక్కర్లు కొడుతున్నాయి.మరి ఈ కార్యక్రమంలో ఎవరు పాల్గొనబోతున్నారనే విషయం తెలియాలంటే ఈ ఎపిసోడ్ ప్రసారమయ్యే వరకు వేచి చూడాలి.