Priyanka singh: అమ్మాయిగా మారాలనుకుంటే ముందు ఆ పని చేయండి.. ప్రియాంక సింగ్ కామెంట్స్ వైరల్!

Priyanka singh: ప్రియాంక సింగ్ పరిచయం అవసరం లేని పేరు. జబర్దస్త్ కార్యక్రమంలో సాయిగా అందరికీ ఎంత సుపరిచితమైనటువంటి ప్రియాంక జబర్దస్త్ కార్యక్రమంలో కమెడియన్ గా కొనసాగుతూ ఎక్కువగా లేడీ గెటప్స్ వేసేవారు. ఇలా లేడి గెటప్స్ వేసినటువంటి ఈయన అనంతరం సర్జరీ ద్వారా అమ్మాయిగా మారిపోయి సాయి కాస్త ప్రియాంక సింగ్ గా మారారు.

ఇలా ప్రియాంక సింగ్ గా మారిన తర్వాత ఈమె బిగ్ బాస్ కార్యక్రమంలో పాల్గొనే అవకాశం అందుకున్నారు. బిగ్ బాస్ కార్యక్రమం ద్వారా సుమారు 12 వారాలు పాటు హౌస్ లో కొనసాగినటువంటి ప్రియాంక సింగ్ బయటకు వచ్చిన తర్వాత కెరియర్ పరంగా సక్సెస్ అందుకోవడం కోసం పెద్ద ఎత్తున కష్టపడుతున్నారు. తాజాగా ఈమె యూట్యూబర్ నిఖిల్ ఇంటర్వ్యూలో పాల్గొన్నారు.

ఇంటర్వ్యూలో భాగంగా తన జీవితం గురించి ఎన్నో విషయాలు తెలిపారు. నాకు చిన్నప్పటినుంచే అమ్మాయి లక్షణాలు తనలో ఎక్కువగా ఉండటంతో తాను అమ్మాయిగా మారిపోయానని తెలిపారు. అయితే అబ్బాయిలు అమ్మాయిగా ఎవరైతే మారిపోవాలనుకుంటున్నారో అలాంటి వారు ముందుగా హార్మోన్ థెరపీ తీసుకోవాలని తెలిపారు. ఇక నేను అమ్మాయిగా మారడంతో ఎంతోమంది ఎన్నో మాటలు అనేవాళ్ళు ఆ మాటలనే ఇంట్లో వాళ్ళు కూడా నన్ను అన్నారని ప్రియాంక తెలిపారు.

మూడుసార్లు ఆత్మహత్యకు ప్రయత్నించా…

ఇలా ఇంట్లో వాళ్ళే నన్ను అపార్థం చేసుకోవడంతో తాను ఏకంగా మూడుసార్లు ఆత్మహత్య చేసుకోవాలని ప్రయత్నం చేశానని కానీ బ్రతకడంతో నేనేదో సాధించాలని అప్పుడే అర్థమైందంటూ ఈమె తెలిపారు. ఇక ఇటీవల సోషల్ మీడియాలో తన గురించి బ్యాడ్ కామెంట్స్ చేసిన వారిపై ఈమె ఆగ్రహం వ్యక్తం చేసిన సంగతి తెలిసిందే. ఈ విషయం గురించి కూడా మాట్లాడుతూ కామెంట్ చేయడానికి కూడా ఓ లిమిట్ ఉంటుంది కానీ చాలామంది లైన్ క్రాస్ చేసి కామెంట్ చేయడంతోనే తాను సీరియస్ అయ్యానని ప్రియాంక తెలిపారు.