తెలుగులో అతి పెద్ద రియాల్టీ షో బిగ్ బాస్ అని అందరికీ తెలిసిందే. ప్రస్తుతం బిగ్ బాస్ సీజన్ 5 మూడు వారాలు పూర్తి చేసుకొని నాలుగో వారం రన్ అవుతోంది. గత సీజన్ తో పోల్చుకుంటే ఈ సారి హౌస్ లో కామెడీ తగ్గిందనే చెప్పాలి. ఇంకో విషయం ఏంటంటే.. చిన్న చిన్న విషయాలకు ఒకరిపై ఒకరు గొడవపడుతున్న కంటెస్టెంట్స్, టాస్క్ వచ్చేసరికి ఎవరికి వారు తమదైన శైలిలో మంచి ప్రదర్శనను ఇస్తున్నారు.
ఇందులో ఉన్నవాళ్లు కొందరు వైల్డ్ అండ్ అగ్రెసివ్ గా రియాక్ట్ అవుతున్నారు. ఉన్నవారిలో కాస్త సాఫ్ట్ కార్నర్ లో షణ్ముఖ్, మానస్ ఉన్నారు. షణ్ముఖ్ ప్లాన్ మాత్రం నాలుగు వారాలు అవుతున్నా ఎవరికీ అర్థం కావడం లేదు. సిరిహన్మంత్ కు మొదటి నుంచి కూడా మంచి ర్యాపో ఉంది.
వీళ్లిద్దరు కలిసి బయట షార్ట్ ఫిలింలు కూడా తీశారు. దీంతోనే షణ్ముఖ్ వెళ్లిన దగ్గర నుంచి సిరితోనే సన్నిహితంగా ఉంటున్నాడు. అదే సమయంలో ఆమె కూడా షణ్ముఖ్ ని వదలడం లేదు. వీళ్లిద్దరిని కొత్త వాళ్లు చూస్తే మాత్రం లవర్స్ అనే భావన కలుగుతుంది.
ఎక్కడ చూసినా వీళ్లిద్దరే సపరేట్ గా కనిపిస్తున్నారు. అంతకముందు జరిగిన సీజన్ల మాదిరిగానే పెయిర్ ను మెయింటెయిన్ చేయాలని అనుకుంటున్నారా అని అనుమానం వ్యక్తం చేస్తున్నారు. ఏదేమైనా షణ్ముఖ్ ఆటతీరును ఇటు ప్రేక్షకులు, అటు నెటిజన్స్ తప్పుపడుతున్నారు. దీంతో షణ్ముఖ్ కన్నింగ్ మైండ్ తో ఆడుతున్నాడని నెటిజన్లు షణ్ముఖ్ ను ట్రోల్స్ చేస్తున్నారు.