Box Office : ఈ మధ్యకాలంలో సినిమా బడ్జెట్ బాగా పెరిగిపోయింది. ఒక మోస్తారు సినిమా తీయాలన్న కోట్లు కావాల్సిందే. ఇక పెద్ద సినిమాల సంగతి తెలిసిందే. ఒక సినిమాకు ఏకంగా సుమారుగా 300కోట్లు పెడుతున్నారు. ఇక గ్రాఫిక్స్ అవి ఇవి అంటే ఇంకా బడ్జెట్ పెరిగిపోతోంది. ఇక ఈ బడ్జెట్ కి ఇక ఆపై హీరోలు డైరెక్టర్లు వేల రెమ్యూనరేషన్లు తోడై బడ్జెట్ ఎక్కడికో పోతుంది. సినిమా బిజినెస్ లో లాభాలను కలుపుకుని కలెక్షన్స్ రూపంలో రాబట్టుకోవాలి. ఇక సినిమాపై బాగా అంచనాలు ఉండి ప్రీమియర్ లోనే మంచి టాక్ వస్తే మొదటి వారం వసూళ్లకు డోకా లేదు. టికెట్ రేట్లు ఎక్కువ కావడం వల్ల మొదటి వారం బాగానే వసూళ్లు వస్తాయి. సినిమా రెండు వారాలు హిట్ టాక్ తో రన్ అయిన తరువాత స్థిరంగా సినిమా థియేటర్లలో ఆడటమే ఇపుడు సినిమాకు పెద్ద పరీక్ష. మొదటి రెండు వారాలు సినిమా మంచి టాక్ ఉంటే ఆడుతుందిగాని, ఆ తరువాత కొనసాగడంలోనే ఉంది అసలు చిక్కు.
భయపెడుతోన్న టికెట్ రేట్లు…..
మొన్నా మధ్య చిరంజీవి గారు మాట్లాడుతూ భారీ బడ్జెట్ తో సినిమాలు తీసినపుడు టికెట్ రేట్లు పెంచితే తప్పేంటని అన్నారు. హిట్ అయ్యే సినిమాల విషయంలో టికెట్ రేట్లు పెంచుకున్న వాళ్ళకు అది లాభామే కానీ ఒకవేళ ఒక పెద్ద సినిమా బాక్స్ ఆఫీస్ వద్ద బోల్తా పడితే ఇక అంత టికెట్ రేట్ పెట్టి సినిమా చూసేదెవరు. సరిగా ఇపుడు ఆచార్య విషయంలో అదే జరిగింది. రెండు తెలుగు రాష్ట్రాల్లో టికెట్ రేట్స్ పెరగడం వల్ల, ఇక ప్రీమియర్ షో నుండే నెగెటివ్ టాక్ రావడంతో ఇద్దరు మెగా సూపర్ స్టార్స్ ఉన్నా కూడా సినిమాకు కలెక్షన్స్ లేవు. డిస్ట్రిబ్యూటర్లు థియేటర్ వాళ్ళు కుడా సినిమాపై ఆశలు వదులుకున్నారు. ఈ టికెట్ రేట్ల విషయంలో మరో కోణం హిట్ అయి దూసుకుపోతున్న సినిమాకు రెండో సారి ప్రేక్షకుడు వెళ్ళలేని పరిస్థితి. టికెట్ రేట్స్ ఎక్కువ ఉండటమే కారణం. ఇలా మొత్తానికి రెండు సినిమాలలో విలన్ ఏమోకాని సినిమా కు సినిమాకు మాత్రం విలన్ గా టికెట్ రేట్లు తయారయ్యాయి.
