Chammak Chandra : జబర్దస్త్ లో చమ్మక్ చంద్ర స్కిట్లకు సెపెరేట్ ఫ్యాన్ బేస్ ఉండేది. కేవలం ఫ్యామిలీ డ్రామానే నమ్ముకుని స్కిట్స్ చేసి హిట్ కొట్టేవాడు. మొదట్లో కంటెస్టెంట్ గా వచ్చిన చంద్ర ఆ తరువాత టీం లీడర్ గా చాలా తక్కువ టైములోనే అయ్యాడు. ఇక జబర్దస్త్ వేదిక మీద ఎన్నో వేల స్కిట్లు చేసిన చంద్ర, లేడీ గెటప్ వినోద్ తో హిట్ పెయిర్ గా స్కిట్లు చేసారు. ఇక సినిమాల్లోను మంచి అవకాశాలతో చంద్ర గుర్తింపు తెచ్చుకున్నాడు.
చాలా కష్టాలు చూసాను…వంటపని చేశా….
కరీంనగర్ భాన్సువాడ దగ్గర వేంకటాపురం అనే తండాకు చెందిన చమ్మక్ చంద్ర కు చిన్నతనం నుండే నటన మీద ఆసక్తి ఉండేదట. తాను ఒక ఇరవై ఏళ్ల క్రితం వరకు ఎన్నో కష్టాలను ఆర్థిక ఇబ్బందులను చూసినట్లు తెలిపిన ఆయన పదో తరగతి ఫెయిల్ అవడంతో ఇక హైదరాబాద్ వచ్చి ఇండస్ట్రీ లో ఎదైన ప్రయత్నించాలని అనుకున్నట్లు తాజాగా ఒక ఇంటర్వ్యు లో తెలిపారు .
పెళ్ళిళ్ళు వంటి ఎదైన ఫంక్షన్స్ లో డాన్స్ చేసే చంద్ర కు అందరూ నువ్వు మంచి అర్టిస్టువి అని ప్రోత్సహించడంతో ఇండస్ట్రీ వైపు వచ్చాడు . చంద్ర మొదట్లో డాన్సులు నేర్పించడం వంటివి చేసేవారట. ఇక యాక్టింగ్ స్కూల్ లో చేరి అక్కడ నటనలో శిక్షణ తీసుకున్న చంద్ర అయిపోయాక చేతిలో డబ్బు లేక ఇంట్లో వాళ్ళు పంపించే పరిస్థితిలో లేరని తెలిసి విజయ్ అనే ఒక ఆర్టిస్టు వద్దే అంటు ఆయనకు వంట చేసి పెడుతూ బతికానని, కేజీ బియ్యం కొంటె రెండు రోజులు వస్తాయని కేజీ నూకలు కొంటె ఎక్కువ రోజులు వస్తాయని అవే తెచ్చి అన్నం చేసుకుని తినేవాడినంటు తన స్ట్రగుల్స్ చెప్పారు.
