Character Artist Sudha : తమిళనాడులో జన్మించినా తెలుగులో క్యారెక్టర్ ఆర్టిస్ట్ గా దాదాపు 500 పైగా సినిమాల్లో నటించారు సుధ. ఆమె అసలు పేరు హేమ సుధ. మొదట చైల్డ్ ఆర్టిస్ట్ గా చేసిన ఆ పై క్యారెక్టర్ ఆర్టిస్ట్ గా చాలా సినిమాల్లో నటించారు. ముఖ్యంగా తల్లి పాత్రల్లో ఎక్కువగా నటించిన సుధ తెలుగులో చాలా మంది హీరోలకు తల్లి పాత్రలో నటించారు. తన కెరీర్ కి సంబంధించిన ఆటుపోట్లతో పాటు వ్యక్తిగత జీవితంలో ఎదురైన కష్టాలను కూడా ఆమె తాజా ఇంటర్వ్యూలో పంచుకున్నారు.
అబ్బాయి వదిలి వెళ్ళిపోయాడు…
సుధ తెలుగులో ఎంతో మంది హీరోలకు తల్లిగా నటించారు. ఇప్పటి హీరోలతో పాటు అప్పటి తరం హీరోలతో కూడా నటించిన సుధ తనకు ఎంతో సంతృప్తి ఉందంటూ ఈ పేరు, ఇలాంటి రికార్డు నా దగ్గరే ఆగిపోయాయి. ఇప్పుడున్న చాలా మంది ఆర్టిస్టులకు ఆ అవకాశం లేదంటూ చెప్పారు. ఇక తన ఫ్యామిలీ గురించి చెబుతూ తన పిల్లలతో చాలా ఫ్రెండ్లిగా ఉంటానంటూ చెప్పారు.
అయితే కొడుకు తనను వదిలి విదేశాలకు వెళ్లిపోయాడని, అక్కడే ఒక ఫారిన్ అమ్మాయిని పెళ్లి చేసుకున్నట్లు తెలిపారు. తన పెళ్లి కుటుంబంలో ఇష్టం లేదని, అయితే తన బ్రతుకు తాను బతుకుతూ సంతోషంగా ఉన్నాడు కదా అది చాలు అంటూ చెప్పారు. ఇక ఇప్పటికీ ఫోన్ చేసినా లిప్ట్ చేయడు. మాట్లాడక చూడక ఏడేళ్లు అయిపోయిందంటూ చెప్పారు. ఇక కూతురు మాత్రం తనతో ఉంటుందని, ఐబీఎమ్ లో జాబ్ చేస్తోందంటూ చెప్పారు. తనకు ఒక పాప తనతోనే నా కాలక్షేపం అంటూ కుటుంబం గురించి చెప్పారు సుధ.
