Children’s day special : చిన్నపిల్లలంటేనే కల్లా కపటం తెలియదు. నటించమంటే ఇంక అంతే వారికి ఏమనిపిస్తుందో అది చేస్తారు ఈ అల్లరి పిడుగులు. అలాంటి పిల్లలను పెట్టి సినిమా తీయాలంటే ఖచ్చితంగా సాహసమనే చెప్పాలి. అలా మన దర్శకులు పిల్లలని మెయిన్ లీడ్ గా పెట్టి సినిమాలను తీయడమే కాదు హిట్లు కూడా కొట్టారు. అలా పిల్లతో తెరకెక్కించిన కొన్ని తెలుగు సినిమాలను బాల దినోత్సవం సందర్బంగా తెలుసుకుందాం…
అఖిల్, ఎన్టీఆర్, తరుణ్, మహేష్ అందరూ బాల నటులే…
బాల నటులుగా ఒకప్పుడు నటించిన వాళ్ళు ప్రస్తుతం హీరోలుగా దుమ్ములేపుతున్న సూపర్ స్టార్లు ఉన్నారు. అయితే వారిలో చిన్న వయసులోనే నటించిన హీరో అంటే అఖిల్ అక్కినేని ని చెప్పొచ్చు. అఖిల్ కి ఏడాది వయసు ఉన్నపుడే ‘సిసింద్రీ’ సినిమాలో నటించాడు. సినిమా మొత్తం తన చుట్టే తిరుగుతుంది. ఈ సినిమాకు శివ నాగేశ్వరావు డైరెక్టర్. ఏడాది వయసున్న అఖిల్ తో సినిమా తీసిన డైరెక్టర్ కి హ్యాట్సాఫ్ చెప్పాల్సిందే. ఇక మణిరత్నం అనగానే క్లాసిక్ సినిమాలు గుర్తుకు వస్తాయి, అలాంటి మణిరత్నం చేసిన మ్యాజిక్ ‘అంజలి’ సినిమా. బేబీ శాలిని మెయిన్ పాత్రలో నటించిన ఈ సినిమాలో తరుణ్ కూడా ఉన్నాడు. ఇక ఈ సినిమా ఇప్పటికీ క్లాసిక్ గా మిగిలింది. ఇక జూనియర్ ఎన్టీఆర్ రాముడిగా నటించిన సినిమా ‘బాల రామాయణం’ ఈ సినిమాలో అందరూ చిన్నపిల్లలతో చక్కగా పౌరాణిక సినిమాను తీశారు గుణ శేఖర్.
ఇక హీరో తరుణ్ చిన్నప్పుడే బాల నటుడుగా అదరగొట్టాడు. అందులో ఒక సినిమా తేజ. ఇక పిల్లల అల్లరి అనగానే గుర్తొచ్చే సినిమా ‘లిటిల్ సోల్జర్స్’. ఈ సినిమా ఇప్పటికీ ఎంతో మందికి ఫేవరెట్ సినిమా. ఈ సినిమాను గున్నం గంగారాజు తెరకెక్కించారు. ఇద్దరు అన్నా చెల్లెల్ల చుట్టూనే సినిమా మొత్తం సాగుతుంది. ఇక మహేష్ కూడా బాలనటుడిగా పలు చిత్రల్లో నటించాడు. బాల చంధ్రుడు, కొడుకు దిద్దిన కాపురం వంటి సినిమాల్లో నటించారు. పిల్లల చుట్టూ తిరిగే మరో సినిమా ‘దేవుళ్ళు’, తల్లిదండ్రులను కలపడానికి పిల్లలు పడే తపన ఈ సినిమాలో చూపించారు. ఇక పిల్లలే ప్రధాన పాత్రలుగా ఉన్న సినిమాలు ఇంకా తెలుగులో అనేకం ఉన్నాయి. అందులో పసివాడి ప్రాణం, లవకుశ, బాల భారతం వంటి సినిమాలు ఉన్నాయి.
