Chris Gayle : సింగర్ సునీతకు పంచు లేసిన క్రిస్ గేల్.. నమస్తే అంటూ అభిమానులకు షాక్..!

0
324

Chris Gayle : అమెరికన్ తెలుగు అసోసియేషన్ ఆధ్వర్యంలో 17 వ సదస్సు వాషింగ్టన్ డీసీ లో ఘనంగా ప్రారంభించిన వేడుకల్లో చాలా మంది ప్రముఖులు పాల్గొన్నారు. సంగీత దర్శకుడు థమన్, సింగర్ సునీత, హీరోయిన్ నీవేదా థామస్, ఇళయరాజా, రకుల్ ప్రీత్ సింగ్, క్రికెటర్ కపిల్ దేవ్, జగ్గీ వాసుదేవ, మంగ్లీ పాల్గొన్నారు. ఇక ఈ కార్యక్రమంలో క్రికెటర్ క్రిస్ గేల్ సందడి చేసారు.

సునీతకు పంచులేసిన క్రిస్ గేల్…

ఈ కార్యక్రమంలో సింగర్ సునీత హోస్ట్ గా వ్యవహారించారు. సుధీర్ బండారు ఆధ్వర్యంలో జరుగుతున్న ఈ యూత్ కన్వెన్షన్ లో క్రిస్ గేల్ పాల్గొన్నారు. జమైకా ప్లేయర్ క్రిస్ గేల్ టీ20 ఐపీఎల్ మ్యాచ్ లతో ఇండియన్స్ కి బాగా దగ్గరయ్యాడు. ప్రస్తుతం పంజాబ్ కింగ్స్ లెవెన్ కి ఆడుతున్న క్రిస్ గేల్ అంతకు ముందు బెంగళూరు రాయల్ చాలెంజర్స్ కి కూడా ఆడాడు. ఇక యూనివర్సల్ బాస్ గా అభిమానులతో పిలవబడే క్రిస్ గేల్ వేడుకల్లో సందడి చేసారు.

సింగర్ సునీత మాట్లాడటానికి మైక్ అందిస్తూ నేను ఎందుకు మైక్ పట్టుకున్నా అనగా మీరెందుకు మైక్ పట్టుకున్నారో నాకెలా తెలుసు అంటూ జోక్ చేసారు. ఇక సునీత మీరు మాట్లాడాలని మైక్ పట్టుకున్నా అంటూ వివరించింది. ఇక క్రిస్ గేల్ నమస్తే అంటూ ప్రేక్షకులను ఉద్దేశించి అనడంతో ఒక్క సారిగా విజిల్స్, అరుపులు వినిపించాయి. ఇక క్రిస్ గేల్ అందరూ నాతో సెల్ఫీ తీసుకుంటున్నారు, అయితే నేను మీ అందరితో సెల్ఫీ తీసుకోవాలని అనుకుంటున్నాను అంటూ సెల్ఫీ తీసుకున్నారు.