Director Pavan Sadineni : ప్రేమ ఇష్క్ కాదల్ సినిమాతో ఒక్కసారి తనవైపు ఇండస్ట్రీ చూసేలా చేసుకున్న డైరెక్టర్ పవన్ సాధినేని. విజయవాడ కు చెందిన పవన్ సాధినేని అమెరికా వెళ్లి తల్లిదండ్రుల కోసం ఉద్యోగ ప్రయత్నాలు చేస్తూనే మరోవైపు తన ఇష్టాన్ని వదులుకోలేక షార్ట్ ఫిలిమ్స్ తీసాడు. అలా మంచి వ్యూస్ అందుకున్న పవన్ ఆ పైన సినిమాలను డైరెక్ట్ చేసి తొలి సినిమాతోనే మంచి హిట్ అందుకున్నాడు. ఆపైన సావిత్రి లాంటి ఫ్లాప్ అందుకున్నా సేనాపతి సినిమాతో మరోసారి మంచి పేరు తెచ్చుకున్నాడు. క్రైమ్ థ్రిల్లర్ తో మంచి హిట్ అందుకుని తాజాగా జేడి చక్రవర్తి మెయిన్ లీడ్ గా ‘దయ’ అనే వెబ్ సిరీస్ తో మరోసారి మంచి హిట్ అందుకున్నాడు. త్వరలోనే పెద్ద ప్రాజెక్ట్ చేయబోతున్న పవన్ సాధినేని తన కెరీర్ గురించి ఒక ఇంటర్వ్యూలో మాట్లాడారు.
రాజేంద్ర ప్రసాద్ తో చేసినపుడు అందరూ బయపెట్టారు…
మొదటి సినిమా తరువాత సావిత్రి సినిమా రూపంలో ఫెయిల్యూర్ చుసిన పవన్ సాధినేని ఆ సినిమా వైఫల్యం నుండి చాలా నేర్చుకున్నాను అంటూ చెబుతాడు. అలా సేనాపతి సినిమా తీసి మళ్ళీ మంచి విజయం అందుకున్న పవన్ సాధినేని దయ సిరీస్ తో తాజాగా మంచి విజయం అందుకున్నాడు.
అయితే సేనాపతి సినిమా టైం విశేషాలను ఇంటర్వ్యూలో చెబుతూ సేనాపతి సినిమాను రాజేంద్ర ప్రసాద్ గారితో తీస్తున్నానని చెప్పగానే చాలా మంది ఆయనతోనా, చాలా కష్టం, అయిపోయావ్ నువ్వు అంటూ భయ పెట్టారు. కానీ ఒక్కసారి ఆయనతో పని మొదలు పెట్టాక తెలిసింది. అయన అసలు వాళ్లందరూ చెప్పినట్లు కాదు అంటూ పవన్ తెలిపారు. ఆయన షూటింగ్ కి టైంకి వస్తారు అలాగే స్క్రిప్ట్ విషయంలో ఏ మాత్రం వేలు పెట్టరు అంటూ పవన్ తెలిపారు.
