తెలుగు చిత్ర పరిశ్రమలో సంచలనాత్మక దర్శకుడు రాంగోపాల్ వర్మ మాట శైలి, వ్యవహార తీరు ఎంతో భిన్నంగా ఉంటుందని చెప్పవచ్చు. రామ్ గోపాల్ వర్మ ముక్కుసూటితనంగా మాట్లాడటం వల్ల తన మాట్లాడే మాటలు పలు కాంట్రవర్సీలకు కారణమవుతుంటాయి. ఇక తాజాగా సుమంత్ రెండో పెళ్లి గురించి సోషల్ మీడియాలో పెద్ద ఎత్తున వార్తలు రావడం మనకు తెలిసిందే. ఈ క్రమంలోనే సుమంత్ పెళ్లి విషయం పై రామ్ గోపాల్ వర్మ స్పందించి తనదైన శైలిలో కామెంట్లు చేశారు.
ఒకసారి పెళ్లి జరిగినా నీకు బుద్ధి రాలేదా సుమంత్? రెండో పెళ్లి ఏంటయ్యా? నా మాట విని ఈ పెళ్లి మానుకో లేకపోతే నీ కర్మ.. ఆ పవిత్ర కర్మ.. తప్పు మీది కాదు ఈ దౌర్భాగ్యపు వ్యవస్థది అంటూ చేసిన కామెంట్స్ తీవ్రస్థాయిలో వైరల్ గా మారింది. రామ్ గోపాల్ వర్మ చేసిన ఈ ట్వీట్ సుమంత్ ను ట్యాగ్ చేస్తూ చేయడంతో ఈ ట్వీట్ పై సుమంత్ స్పందించారు.
ఈ పెళ్లి విషయం గురించి సుమంత్ స్పందిస్తూ.. తను రెండవ పెళ్లి చేసుకోవడం లేదని క్లారిటీ ఇచ్చారు.అలాగే తను నటించబోయే “మళ్ళీ మొదలైంది” సినిమాలో భాగంగా ఈ సినిమాకు సంబంధించిన వెడ్డింగ్ కార్డ్ లీక్ కావడంతో అందరూ పొరపాటున పెళ్లి చేసుకుంటున్నా అనుకున్నారని క్లారిటీ ఇచ్చారు.
ఈ క్రమంలోనే మరికొందరు ఇది సినిమా ప్రమోషన్ లో భాగంగా కావాలనే లీక్ చేశారంటూ పెద్దఎత్తున ట్రోలింగ్ చేస్తున్నారు. ఇక వర్మ సుమంత్ మాటలకు స్పందిస్తూ… “ఓకే సర్ … సినిమాకోసం రూమర్స్ క్లియర్ చేసినందుకు దేవుడికి మరియు డెవిల్ కు నేను కృతజ్ఞతలు తెలుపుతున్నాను”. ప్రేక్షకులు ప్రతి ఒక్కరూ “మళ్ళీ మొదలైంది” సినిమాను తప్పకుండా చూడాలని ఈ సందర్భంగా రామ్ గోపాల్ వర్మ స్పందించారు.
Oh okkkk Sir, I thank both God and Dévíl for u clearing the air that it’s for a film ..I wish everyone will see the film #MalliModalaindi and learn the hard facts about Marriages which incidentally are MADE IN HELL https://t.co/rumS6scdqd
— Ram Gopal Varma (@RGVzoomin) July 30, 2021