Director Varanasi Surya : ఏపీ రాజకీయాల్లో వైసీపీ టార్గెట్ ప్రస్తుతం టీడీపీ కాదు జనసేన. జనసేన, వైసీపీ రెండు పార్టీలు వ్యూహాత్మకంగా ఒకరినొకరు తిట్టుకుంటూ టీడీపీ ని సైడ్ ట్రాక్ లోకి నెడుతున్నారు అనే వాదన ఒకవైపు వినిపిస్తోంది. అయితే వైసీపీ పదే పదే పవన్ ను టార్గెట్ చేయడమే కాకుండా మరోవైపు డైరెక్టర్ రామ్ గోపాల్ వర్మ ద్వారా జనసేన మరోవైపు టీడీపీ ఇద్దరికీ పంచులు వేయిస్తున్నారు. ఇక లేటెస్ట్ గా జనసేన కు సపోర్ట్ చేస్తూ డైరెక్టర్ వారణాసి రంగంలోకి దిగారు.
పవన్ కి మూడో కన్ను నేనే…
రామ గోపాల్ వర్మ నేను పవన్ వీరాభిమానిని అంటూనే పవన్ కళ్యాణ్ మీద సటైర్లు వేస్తుంటారు. ఆయనకు కౌంటర్లు వేయడానికి నేనొచ్చాను అంటూ చెప్తున్నారు వారణాసి సూర్య. పవన్ అంటే చాలా ఇష్టమని జనసేన నుండి ఎలాంటి డబ్బు తీసుకోవడం లాంటివి చేయకుండానే స్వచ్చందంగా పవన్ కి మద్దతు ఇస్తున్నట్లు తెలిపారు.
ఆర్జివి లాగా జగన్ వద్ద డబ్బు తీసుకుని పవన్ కి వ్యతిరేకంగా మాట్లాడటం లేదని చెప్పారు. పవన్ కి మూడో కన్ను ఈ వారణాసి సూర్య అంటూ చెప్పారు. ఇకపై ఎవరైనా జనసేన మీద పవన్ మీద కామెంట్స్ చేస్తే మాటకి మాట వస్తుందని రీసౌండ్ దద్దరిల్లుతుందంటూ చెప్పారు.
