Anchor Suma: బుల్లితెర యాంకర్ గా ఎంతో మంచి గుర్తింపు సంపాదించుకున్న సుమ ప్రస్తుతం జయమ్మ పంచాయతీ అనే సినిమాలో నటించారు.ఈ సినిమా మే ఆరవ తేదీ విడుదల కావడంతో పెద్ద ఎత్తున సినిమా ప్రమోషన్ కార్యక్రమాల్లో పాల్గొంటున్నారు. ఈ క్రమంలోనే సుమ ఆలీతో సరదాగా కార్యక్రమానికి వెళ్లారు. ఈ కార్యక్రమంలో భాగంగా గతంలో సుమ తన భర్త రాజీవ్ కనకాలతో విడాకులు తీసుకోబోతున్నట్లు అంటూ పెద్ద ఎత్తున వార్తలు వచ్చాయి. ఈ ప్రశ్న గురించి అలీ సుమను ప్రశ్నించారు.

ఈ ప్రశ్నకు సుమ సమాధానం చెబుతూ తన భర్తతో విడాకులు గురించి క్లారిటీ ఇచ్చారు.మా పెళ్ళి జరిగి 23 సంవత్సరాలు అవుతుంది. 23 సంవత్సరాలలో మేము ఎన్నో గొడవలు పడ్డాము.అయితే భార్య భర్తలు అన్న తర్వాత ఇలాంటి గొడవలు సర్వసాధారణం ఈ క్రమంలోనే మేమిద్దరం విడాకులు తీసుకోబోతున్నట్లు పెద్ద ఎత్తున వార్తలు వచ్చేవి.

ఇండస్ట్రీలో ఉన్న తర్వాత ఈ విధమైనటువంటి వార్తలు రావడం సర్వసాధారణం. అయితే వాటిని ఎదుర్కోవడానికి అలవాటుపడి ఉన్నామని సుమ ఈ సందర్భంగా వెల్లడించారు.ఇరవై మూడు సంవత్సరాలలో తన భర్తతో గొడవలు వచ్చినప్పటికీ తాను ఎంతో సంతోషంగా ఉన్నానని సుమ తెలియజేశారు.

అలాంటి వార్తలకు చెక్ పెట్టాము..

ఈ విధంగా మా గురించి వస్తున్న వార్తలపై స్పందిస్తూ మా వ్యక్తిగత ఫోటోలు వీడియోలను షేర్ చేస్తూ వచ్చాను. ఇలా షేర్ చేయటం వల్ల మా గురించి వస్తున్నటువంటి ఈ పుకార్లకు కొంతవరకు చెక్ పెట్టామని, ఈ సందర్భంగా సుమ తన భర్తతో తనకు ఉన్న విభేదాల గురించి ఈ సందర్భంగా తెలియజేశారు.