Ester Noronha : సినిమా ఇండస్ట్రీ కి వచ్చాక పెద్ద హీరోతో అవకాశం వస్తే ఏ హీరోయిన్ కూడా కాదనదు. అది వారి కెరీర్ కి మంచి ఊపునిస్తుంది కాబట్టి అస్సలు చేజార్చుకోరు. కానీ భీమవరం బుల్లోడు సినిమా హీరోయిన్ ఎస్తేర్ మాత్రం ఏకంగా బాలయ్య బాబు సినిమాలో ఛాన్స్ మిస్ చేసుకుందట. మొదటి సినిమానే తేజ దర్శకత్వంలో చేసిన ఎస్తేర్, ఆ తరువాత ఆ సినిమా షూటింగ్ పూర్తి కాకముందే సురేష్ ప్రొడక్షన్స్ లో సినిమా అవకాశాన్ని అందుకుంది. అది కాకా అసలు ఈ అమ్మడు సినిమాల్లో నటించాలని హైదరాబాద్ రాలేదు వేరే పని మీద హైదరాబాద్ వస్తే అనుకోకుండా సినిమా అవకాశాలు రావడంతో ఇక్కడే ఉండి సినిమాలు చేసిందట.
చదువుకోవాలని సినిమా వద్దనుకున్న…
ఇక భీమవరం బుల్లోడు సినిమా షూటింగ్ సమయంలోనే బాలయ్య బాబుతో సినిమా అవకాశం, అలాగే ఇంకా చాలా ఆఫర్స్ వచ్చినా, చదువు మధ్యలో ఆపి సినిమాల్లో ఉండిపోవడం ఇష్టంలేక సినిమా ఆఫర్స్ ను వద్దనుకుందట. చదువు అయ్యాక మళ్ళీ సినిమాల్లోకి రావాలని అనుకుందట. గోవా పోర్చుగీసు కుటుంబానికి చెందిన ఎస్తేర్ ఉడిపి కర్ణాటక లో స్థిరపడ్డారు. కొంకణి భాషలోనూ సినిమాలు చేసిన ఎస్తేర్ కన్నడ భాషలోనూ, హిందీ భాషలోనూ సినిమాల్లో హీరోయిన్ గా నటించింది.
ఇక మళ్ళీ చదువయ్యాక తెలుగులో నటిస్తోంది. ఈమధ్యనే ’69 సంస్కార్ కాలనీ’ సినిమా ద్వారా వచ్చింది. రొటీన్ కథలలో కాకుండా భిన్నంగా ఉన్న సినిమాల్లో నటించాలనుకుంటున్న ఈ భామ తెలుగు రాపర్ మరియు సింగర్ నోయల్ ను 2019 లో వివాహం చేసుకోగా అదే ఏడాది విడిపోయారు.
