Gauri Khan : బాలీవుడ్ లో నెపోటిజంను ఎంతగా విమర్శిస్తున్నా తమ అభిమానం హీరోల పిల్లలను మళ్ళీ వెండి తెరమీద చూడాలని కోరుకునే ప్రేక్షకులు లేకపోలేదు. బాలీవుడ్ కీ బాద్ షా షారుఖ్ ఖాన్ కొడుకు ఆర్యన్, ఎపుడు హీరోగా వస్తాడంటూ ఎదురుచూస్తున్నారు బాద్ షా ఫ్యాన్స్. ఇక కూతురు సుహానా కూడా సోషల్ మీడియాలో యాక్టీవ్ గా ఉంటూ ఎప్పటికప్పుడు హీరోయిన్ గా ఎంట్రీ ఇస్తుందా అన్నట్లుగా ఫోటో షూట్లతో కుర్రకారు మతి పోగొడుతోంది. ఇక సుహానా, ఆర్యన్ సినిమాల్లోకి వస్తారంటూ అటు మీడియా కూడా బాగానే వార్తలు అప్పుడుప్పడు రాస్తూనే ఉన్నారు.
కూతురికి డేటింగ్ అడ్వైస్ ఇచ్చిన గౌరీ ఖాన్…
షారుఖ్ ఖాన్ భార్య గౌరీ ఖాన్ కూడా బాగా ఫేమస్, సినిమాల్లో కనిపించకపోయినా ఇంటీరియర్ డిజైనర్ గా తనకు మంచి పేరు ఉంది. తాజాగా కూతురికి డేటింగ్ గురించి అడ్వైస్ ఇచ్చి అందరినీ ఆశ్చర్యపరిచింది గౌరీ ఖాన్. కాఫీ విత్ కరణ్ షో లో పాల్గొన్న గౌరీ ఖాన్ కుటుంబం తన పిల్లల గురించి మాట్లాడుతూ సుహానా కనుక డేటింగ్ వెళితే ఒకేసారి ఇద్దరితో వెళ్లొద్దని సలహా ఇస్తాను అంటూ నిర్మొహమాటంగా చెప్పేసింది. ఇక షారుఖ్ తో తన పెళ్లి గురించి మాట్లాడుతూ అదొక వింత అనుభవం ఏవేవో జరిగాయి అంటూ చెప్పింది.
షారుఖ్ కాజోల్ నటించిన ‘దిల్ వాలే దూలహానియ లే జాయేంగే’ సినిమా కథలా అనిపిస్తుంది అంటూ చెప్పింది. ఇటీవలే గౌరీ ఖాన్ ఫాబులెస్ వైఫ్స్ అనే ఓటీటీ ప్రోగ్రామ్ లో కూడా సందడి చేసారు. ఇప్పటికే రెండు ఎపిసోడ్లు పూర్తి అయిన ఈ షోలో బాలీవుడ్ స్టార్ హీరోల భార్యల జీవన సరళి ఎలా ఉంటుందో చూపిస్తారు. నెట్ ఫ్లిక్స్ లో వస్తోన్న ఈ షోలో గౌరీ రెండు ఎపిసోడ్స్ లో అపుడపుడు కనిపించి సందడి చేసారు.
