Gummadi Sharada : తెలుగు సినిమా అనగానే అగ్ర హీరోలుగా ఎన్టీఆర్ ఏఎన్ఆర్ ఎలా గుర్తొస్తారో హీరోయిన్ గా సావిత్రి, ఇక క్యారెక్టర్ ఆర్టిస్తులుగా ఎస్విఆర్, గుమ్మడి, సూర్యకాంతం అలానే గుర్తొస్తారు. ఎన్నో సినిమాల్లో హీరోలకో లేక హీరోయిన్ కో తండ్రిగా నటించారు గుమ్మడి గారు. వయసుకు మించిన పాత్రలో ఒదిగిపోయి నటించి పేరు తెచ్చుకున్నారు. సహజంగా ఉండే ఆయన నటన వల్ల మంచి పేరు తెచ్చుకున్న ఆయన కెరీర్ మొదట్లోనే ఎన్టీఆర్ తో మంచి సన్నిహిత్యం ఉండేది. అయితే కొన్ని కారణాలతో వారి మధ్య గొడవలు వచ్చాయి. ఆనాటి సంఘటనలను గుమ్మడి వెంకటేశ్వరావు గారి కూతురు శారద గారు తెలిపారు.
గొడవతో సినిమాల్లో ఛాన్స్ లు రాలేదు…
గుమ్మడి గారు తొలినాళ్ళలో అవకాశాలు అంతగా రాక ఇబ్బందులు పడుతున్న రోజుల్లో ఎన్టీఆర్ గారు తిరిగి ఇంటికి వెళ్ళకండని ఇంకొన్ని రోజులు సినిమాల్లో ప్రయత్నిస్తే మంచి రోజులు వస్తాయని సలహా ఇచ్చారట. కొంత కాలం ఓపిక పట్టండి సొంతంగా సినిమా నిర్మాణం చేయాలనుకుంటున్నాను అపుడు మీకు ఖచ్చితంగా అవకాశాలు ఇస్తానని తెలిపారట. అలా గుమ్మడి గారు ఇండస్ట్రీలోనే ఉండిపోడానికి ఎన్టీఆర్ కారణమంటూ ఆయన కూతురు శారద తెలిపారు.
ఇక ఇరు కుటుంబాలు కూడా ఎంతో సన్నిహితంగా ఉండగా మనస్పర్తల కారణంగా గుమ్మడి గారికి ఎన్టీఆర్ గారికి గొడవలు వచ్చి మాట్లాడుకోవడం మానేశారట. ఆ సమయంలో ఎన్టీఆర్ సినిమాల్లో గుమ్మడి గారికి అవకాశాలు కూడా ఉండేవి కాదట. అయితే మళ్ళీ కొన్నేళ్లకు ఎన్టీఆర్ గారు గుమ్మడి గారు మాట్లాడుకున్నారట. మళ్ళీ ఆయన సినిమాలో గుమ్మడి నటించారు అంటూ అప్పటి సంగతులను శారద గారు పంచకున్నారు.
