GV Narayana : ‘అంతులేని కథ’ సినిమాతో ఇండస్ట్రీకి పరిచయమైన నటుడు జీవీ నారాయణ రావు గారు ఆ సినిమా తరువాత హీరోగానూ, క్యారెక్టర్ ఆర్టిస్ట్ గానూ ఎన్నో సినిమాల్లో నటించారు. ఇక ప్రొడ్యూసర్ గా మారి చిరంజీవి గారితో దేవాంతకుడు, అలాగే ఫ్రెండ్స్ తో కలిసి యముడికి మొగుడు సినిమాలను తీసి మంచి హిట్స్ అందుకున్నారు. నటుడుగానే కాకుండా డిస్ట్రిబ్యూటర్ గాను అలాగే రైటర్ గాను పలు సినిమాలకు పని చేసారు నారాయణ రావు గారు. ఆయన ప్రొడ్యూసర్ గా నిర్మించిన సినిమాల్లో తాను బాగా నష్టపోయిన సినిమాల గురించి ఇంటర్వ్యూలో పంచుకున్నారు.
ఆ సినిమాలో శారద అయ్యుంటే హిట్ అయ్యుండేది…
చిరంజీవి తో దేవాంతకుడు సినిమా నిర్మించి హిట్ కొట్టిన నారాయణ గారు ఆ తరువాత తమిళం లో హిట్ అయిన ఎస్ఏ చంద్ర శేఖర్ గారి డైరెక్షన్ లో వచ్చిన ‘వీటుకు ఓరు కన్నగి’ సినిమాను రీమేక్ చేస్తూ తెలుగులో ‘ఇంటికో రుద్రమ్మ’ పేరుతో తీశారు. ఆ సినిమాలో తమిళంలో సుజాత గారు నటించగా ఆమెనే తెలుగులోకి కూడా తీసుకోవడం వల్ల సినిమా ఆడలేదు. నిజానికి తమిళంలో సుజాత గారి ఇమేజ్ వేరు తెలుగులో ఆమెది సాఫ్ట్ ఇమేజ్ కావడం వల్ల ఆమెను హత్యలు చేసే పాత్రలో ఒప్పుకోలేదు. ఆ పాత్రకు ఆమెను కాకుండా శారద ను తీసుకుని ఉంటే సినిమా హిట్ అయ్యుండేదని నారాయణ గారు అభిప్రాయ పడ్డారు.
ఇక మా ఎన్నికల గొడవల గురించి మాట్లాడుతూ ఒకప్పుడు అసోసియేషన్ పెట్టిన పన్నెండు ఏళ్ళ వరకు ఎలాంటి ఎన్నికలు జరగలేదు. కేవలం మేమే కొత్త వాళ్ళు వస్తేనే బాగుంటుంది అన్న ఉద్దేశంతో అందరికీ అవకాశం ఇచ్చాం. అలా ఉంటే పద్ధతి బాగుంటుంది. ప్రతిసారి కొత్త వాళ్ళైతే రావాలి కానీ ఎలక్షన్ పెట్టి గొడవలు పెట్టుకుని పలుచన అవడం నాకు నచ్చలేదు అంటూ నారాయణ గారు అభిప్రాయపడ్డారు.
