ప్రముఖ యూట్యూబర్ నా అన్వేష్ ప్రస్తుతం దక్షిణాఫ్రికాలో ఉన్నాడు. అక్కడి నుంచి ఆయన చేసిన వీడియో ప్రస్తుతం వైరల్గా మారింది. పవర్ స్టార్ పవన్ కల్యాణ్ నటించిన “హరిహర వీరమల్లు” సినిమాపై సంచలన వ్యాఖ్యలు చేస్తూ వీడియోను ప్రారంభించాడు. ఇది తన మొదటి సినిమా రివ్యూ అంటూ చెప్పిన అన్వేష్, సినిమా అద్భుతంగా ఉందని, థియేటర్లో గూస్బంప్స్ వస్తున్నాయంటూ చెప్పాడు. అంతేకాకుండా సినిమాలో బాలకృష్ణ గారి స్పెషల్ ఎంట్రీ ఉందంటూ స్పాయిలర్ ఇచ్చాడు. అయితే కొద్ది సెకన్లకే అది ఫేక్ స్పాయిలర్ అని వెల్లడించాడు. దీన్ని విన్న ప్రేక్షకులు షాక్కు గురవ్వగా, చివరికి అసలు ఉద్దేశాన్ని బయటపెట్టాడు అన్వేష్.
సినిమా రివ్యూలపై అన్వేష్ విమర్శలు
ఈ వీడియో ద్వారా సినిమా రివ్యూల మీద విమర్శలకు తెరతీశాడు. కొన్ని గంటల్లో కనిపించే సినిమా కోసం సంఖ్యలేమిటి, భావోద్వేగాలేమిటి అన్నది పక్కనపెట్టి… కేవలం రెండు నిమిషాల్లో బాగుంది – బాడ్ అని తేల్చేసే రివ్యూయర్లపై తీవ్ర ఆగ్రహం వ్యక్తం చేశాడు. ఎంతో మంది నిర్మాతలు, డైరెక్టర్లు, టెక్నీషియన్లు, కళాకారులు ముప్పెన్నాళ్ల కష్టంతో ఓ సినిమా తీస్తే, దాన్ని తక్కువ సమయంలోనే తుంచేసే ధోరణిని తప్పుబట్టాడు.
బెట్టింగ్ యాప్ల తర్వాత రివ్యూలపై ఉద్యమం
గతంలో బెట్టింగ్ యాప్లపై యూట్యూబ్లో ఉద్యమం చేసిన నా అన్వేష్, ఇప్పుడు సినిమా రివ్యూల పేరుతో నెగెటివిటీ సృష్టించే తత్వాన్ని అరికట్టేందుకు ఈ వీడియో చేశాడని తెలుస్తోంది. సోషల్ మీడియా వేదికగా తన సందేశాన్ని ప్రభావవంతంగా తెలిపిన అన్వేష్ వీడియో ప్రస్తుతం వైరల్ అవుతోంది. చాలామంది ఈ విషయంలో అన్వేష్కు మద్దతు ఇస్తూ కామెంట్లు చేస్తున్నారు.
