గర్భం ధరించిన మహిళల్లో ఇలాంటి సమస్యలు ఉన్నాయా.. అయితే ఈ చిట్కాలను పాటించండి!

మహిళలు ప్రెగ్నెన్సీ సమయంలో ముఖ్యంగా ఎడిడిటీ, వికారం, వాంతులు, గ్యాస్ వంటి లక్షణాలతో తీవ్ర ఇబ్బందులకు గురవుతారు. గర్భధారణ సమయంలో ప్రొజెస్టెరాన్ హార్మోన్ పెరిగేటప్పుడు పేగుల్లో కొన్ని మార్పులు సంభవిస్తాయి. ఇవి వాంతులు, నోటిలో తిరిగి ఆహారం, గుండెల్లో మంట మరియు పూతల రూపంలో కనిపిస్తాయి. అయితే వీటిని కొన్ని చిట్కాల ద్వారా ఎదుర్కోవచ్చని నిపుణులు చెబుతున్నారు.

ఎక్కువ శాతం మహిళల్లో ఈ సమస్యలు కనిపిస్తుంటాయి. ప్రెగ్నెన్సీ వచ్చి మొదటి నెల చివరి వారంలో వాంతులు లేదా వికారం సమస్య ఉత్పన్నమవుతుంది. ఈ సమయంలో మందులను ఎక్కువగా తీసుకోకూడదు. హానికరమైన మందులు శిశువుకు హాని కలిగిస్తాయి.

కాబట్టి డాక్టర్ సలహాను పాటించి మందులను వాడాల్సి ఉంటుంది. ఖాళీ కడుపుతో ఎట్టి పరిస్థితుల్లో ఉండకూడదు. ఆహారం తరచూ తింటూ ఉండాలి. ప్రెగ్నెన్సీ వచ్చిన ఆరో నెలలో ఎక్కువగా ఎసిడిటీ సమస్యతో బాధపడుతుంటారు. అధిక కొవ్వు, కారం ఉన్న ఆహారాన్ని తీసుకోకుండా ఉండటం మంచిది. టీ, కాఫీలాంటి వాటికి దూరంగా ఉండాలి.

భోజనం తర్వాత నీటిని ఎక్కువగా తీసుకోకూడదు. గర్భధారణ సమయంలో వాంతులు, ఆమ్లత్వం కంటే అల్సర్ తక్కువగా ఉంటుంది. దీని కేసులు చాలా అరుదు కాని తీవ్రంగా ఉంటాయి. ఏ సమస్య వచ్చినా వైద్యులను సంప్రదించడం అనేది చాలా మంచిది. ఎలాంటి నిర్లక్ష్యం చేసినా సమస్యలు వచ్చే అవకాశం ఉంటుంది.