బరువు తగ్గడం, కొవ్వు తగ్గించుకోవడం ఒకటేనా.. వీటి మధ్య తేడా ఏంటి..? రెండూ తగ్గాలంటూ ఏం చేయాలి..

మారుతున్న జీవనశైలి, చెడు ఆహారపు అలవాట్ల కారణంగా చాలా మంది చిన్న వయస్సులోనే ఊబకాయం బారిన పడుతున్నారు. దాని బారి నుంచి బయటపడటానికి నానా కష్టాలు పడుతున్నారు. దీని కోసం జిమ్ లకు వెళ్లడం.. ఆహారం తినకపోవడం వంటివి చేస్తున్నారు. అయితే ఇక్కడ ఒక విషయం స్పష్టంగా అందరికీ తెలియాలి.

అదేంటంటే.. బరువు తగ్గడం, కొవ్వు తగ్గడం రెండూ ఒకటేనా..? అవి రెండూ ఒక్కటే అనే ఆలోచనలో చాలామంది ఉంటుంటారు. కానీ అలా కాదు. ఈ రెండిటి మధ్య ఎంతో వ్యత్యాసం ఉందంటూ వైద్య నిపుణులు చెబుతున్నారు. మరి ఆ వ్యత్యాసం ఏమిటో వివరంగా ఇక్కడ తెలుసుకుందాం.. కొవ్వు, కండరాలు, వాటర్ వెయిట్‌తో సహా ఒక వ్యక్తి బరువు మొత్తం తగ్గడం అనేది.. శరీరంలో బరువు తగ్గడం అంటారు.

ఆ శరీరం నుంచి కొవ్వును మాత్రమే కోల్పోవడం అనేది కొవ్వు తగ్గించుకోవడం అంటారు. కొవ్వు ఒక్కటే తగ్గించుకుంటే.. బరువు తగ్గినట్లు కాదు. బరువు తగ్గడం కంటే కొవ్వును సులువగా తగ్గించుకోవచ్చు. అందుకే కొవ్వు తగ్గిన చాలా మందకి బరువు మాత్రం తగ్గదు. అయితే బరువు తగ్గడం కంటే కూడా కొవ్వు తగ్గించుకోవడం ఆరోగ్యానికి ఎంతో మంచిదని ఆరోగ్యనిపుణులు అంటున్నారు.

బరువు తగ్గాలంటే మాత్రం కఠినమైన ఆహార నియమాలు పాటించాల్సి ఉంటుంది. ప్రతీ రోజు వ్యాయామం చేస్తే.. బరువు తగ్గే అవకాశం ఉంటుంది. తినే ఆహారంలో నూనెలు లాంటివి తగ్గిస్తే మన శరీరంలో కొవ్వు తగ్గిపోతుంది. బ్యాలెన్స్ గా డైట్ ను ఫాలో అవుతూ శరీర కొవ్వును తగ్గించుకోవాలి.. ఒక్కసారిగా అన్ని జరగాలంటే మాత్రం.. ఆరోగ్యానికి హాని కలుగుతుంది. కండరాల ద్రవ్యరాశి కోల్పోవాలన్నా.. కొవ్వు తగ్గాలన్నా.. అధిక ప్రోటీన్లు కలిగిన ఆహార పదర్ధాలను తింటే మంచిది.