Hero Srikanth : ఒక్కో మెట్టు ఎక్కుతూ విలన్ గా మొదలై సెకండ్ హీరో క్యారెక్టర్ చేస్తూ ఆ తరువాత సోలో హీరోగా ఎదిగిన శ్రీకాంత్ తన కెరీర్ లో సపోర్టింగ్ రోల్స్ కూడా చేసారు. ఇక ఎక్కువ శాతం మల్టీ స్టారర్ చేసిన శ్రీకాంత్ ఫ్యామిలీ ఆడియన్స్ కి తన సినిమాలతో బాగా కనెక్ట్ అయ్యాడు. లవ్, ఫ్యామిలీ ఎంటర్టైనర్స్ తో మంచి హిట్స్ అందుకున్న శ్రీకాంత్ ఒక సీరియస్ పోలీస్ ఆఫీసర్ పాత్రలో కూడా నేను చేయగలనని నిరూపించాడు ‘ఖడ్గం’ సినిమాతో, అందులో పోలీస్ ఆఫీసర్ రాధకృష్ణ గా అందరినీ ఆకట్టుకున్నాడు. మహిళా అభిమానులను సొంతం చేసుకున్న శ్రీకాంత్ తన కెరీర్ అలాగే కుటుంబం గురించి ఇటీవల ఒక యూట్యూబ్ ఛానెల్ కి ఇచ్చిన ఇంటర్వ్యూలో తెలిపారు.
ఎన్టీఆర్ తో నా రిలేషన్…
ప్రస్తుతం వరుసగా క్యారెక్టర్ ఆర్టిస్ట్ గాను అలాగే సోలో హీరోగాను సినిమాలను చేస్తున్న శ్రీకాంత్ గారు తాజగా కొరటాల, ఎన్టీఆర్ కాంబినేషన్ లో వస్తోన్న ఎన్టీఆర్ 30 సినిమాలో నటిస్తున్నారు. ఆ సినిమా విశేషాలను అలాగే తనకు ఎన్టీఆర్ తో ఉన్న అనుబంధం గురించి తెలిపారు. ఎన్టీఆర్ తనను బాబాయ్ అని పిలుస్తాడని చెప్పారు. ఎన్టీఆర్ తో చాలా సరదాగా ఉంటుందని అల్లరి బాగా చేస్తాడంటూ చెప్పారు. ఎన్టీఆర్ తో ఇప్పటి వరకు ఏ సినిమాలోనూ నటించకపోయినా వ్యక్తిగతంగా బాగా తెలుసనీ మంచి రిలేషన్ ఉందంటూ చెప్పారు.
ఇక కొరటాల ఎన్టీఆర్ కాంబినేషన్ సినిమాలో తన క్యారెక్టర్ విభిన్నంగా ఉండబోతోందంటూ తెలిపారు. ఒకవైపు నెగెటివ్ మరోవైపు పాజిటివ్ గా ఉంటూ కొత్తగా ఉంటుందని, సినిమా మొత్తం ఎన్టీఆర్ తో ఉంటానంటూ కొరటాల ఎన్టీఆర్ కాంబినేషన్ లో సినిమా చేయడం చాలా హ్యాపీగా ఉందని తెలిపారు. ఇక ఇద్దరు ఆస్కార్ హీరోలతో ఈ ఏడాది సినిమాలు చేస్తున్నానంటూ రామ్ చరణ్ ఎన్టీఆర్ ల గురించి తెలిపారు. తెలుగు సినిమాకు ఆస్కార్ అవార్డు రావడం పట్ల చాలా గర్వంగా ఉందని ఆర్ఆర్ఆర్ టీం చాలా అదృష్టవంతులు అలాగే చాలా కష్టపడి అవార్డు సాధించారని ప్రశంసించారు.
