Hero Srikanth : ఏ సినిమా బ్యాక్ గ్రౌండ్ లేకుండా సొంతంగా తెలుగు ఇండస్ట్రీలో తనకంటూ ఒక ఫ్యామిలీ హీరో ఇమేజ్ ఏర్పరచుకున్న హ్యాండ్సమ్ హీరో శ్రీకాంత్. విలన్ గా కెరీర్ మొదలు పెట్టి క్యారెక్టర్ ఆర్టిస్ట్ గాను సోలో హీరోగాను హిట్లు అందుకుని మళ్ళీ ఇప్పుడు విలన్ గా దూసుకుపోతున్న ఆర్టిస్ట్ శ్రీకాంత్ గారు. ఇండస్ట్రీలో అందరితోనూ మంచి అనుబంధం కలిగి ఉండి అందరు అగ్ర హీరోల సరసన నటించిన ఆయన మెగా ఫ్యామిలీతో ఎక్కువగా కనెక్ట్ అయి ఉంటారు. మెగాస్టార్ చిరంజీవి స్ఫూర్తితో ఇండస్ట్రీకి వచ్చిన శ్రీకాంత్ గారు ఆయన కుటుంబ సభ్యులతో సన్నిహితంగా ఉంటారు. ఇక చిరంజీవి తనయుడు రామ్ చరణ్ తో సినిమాలలో నటించిన ఆయన రామ్ చరణ్ గురించి అలాగే చిరు తమ్ముడు పవర్ స్టార్ పవన్ కళ్యణ్ గురించి ఇంటర్వ్యూలో మాట్లాడారు.
రామ్ చరణ్ ఏమని పిలుస్తాడంటే… పవన్ అలాంటివాడు…
రామ్ చరణ్ చిరంజీవి గారి అబ్బాయిగా ఇండస్ట్రీలోకి అడుగుపెట్టినా తండ్రికి తగ్గ తనయుడిగా ఎపుడో నిరూపించుకున్నాడు. తానో మంచి కమర్షియల్ హీరోనే కాదు తనలో మంచి ఆర్టిస్ట్ ఉన్నాడు అని నిరూపించుకున్నాడు. ఇక రామ చరణ్ గురించి శ్రీకాంత్ మాట్లాడుతూ తనతో ‘గోవిందుడు అందరివాడేలే’ సినిమాలో నటించినపుడు వ్యక్తిగతంగా తెలుసు కానీ ఆర్టిస్ట్ గా షూటింగ్ లో ఎలా ఉంటాడా అనుకునేవాడిని, తన తండ్రి లాగే తాను తన చుట్టు ఉన్న వారిని ప్రేమగా చూసుకుంటాడు, అందరికీ భోజనం తానే తెప్పించడం మాట్లాడుతూ కబుర్లు చెప్పడం ఇవన్నీ అన్నయ్య దగ్గరి నుండే వచ్చాయి అంటూ చెప్పారు.
ఇక ఇప్పుడు తాజాగా శంకర్ డైరెక్షన్ లో చరణ్ చేస్తున్న సినిమాలో శ్రీకాంత్ కీలక పాత్రలో నటిస్తున్నారు. తన పాత్రను రివీల్ చేయలేనని చెప్పిన ఆయన చరణ్ ఇప్పుడు పాన్ ఇండియ స్టార్ అయినా గోవిందుడు అందరివాదడేలే టైంలో ఎలా ఉన్నాడో ఇప్పుడు అలానే ఉన్నాడు. నన్ను శ్రీకాంత్ అన్న అని పిలుస్తాడు చాలా బాగా ఉంటాడు అంటూ చెప్పారు. ఇక పవర్ స్టార్ పవన్ కళ్యాణ్ గురించి మాట్లాడుతూ తనతో నటించే అవకాశం ఇప్పటి వరకు రాలేదు కానీ తాను వ్యక్తిగతంగా తెలుసు అంటూ చెప్పారు. పవన్ చాలా నిజాయితీగా ఉండే మనిషి. తాను ఏదైనా చేయాలి అనుకుంటే అది చేసే తీరాలి అన్నట్లు ఉంటాడు అదొక గొప్ప లక్షణం. తను పొలిటికల్ గా ఎలా ఎదుగుతాడో నాకు ఆ లెక్కలు తెలియవు కానీ తాను మంచి పొజిషన్ లో ఉండాలని మాత్రం కోరుకుంటాను అంటూ చెప్పారు.
