Hero Venkatesh makeupman Raghava : రామానాయుడు గారి కుటుంబం నుండి సినిమా ఇండస్ట్రీకి ఎంతో చేశారు. ఆయన సినిమాలను నిర్మిస్తూ సినిమా షూటింగ్స్ కోసం స్టూడియో నిర్మించారు. ఇక ఆయన మొదటి కొడుకు సురేష్ బాబు నిర్మాతగా సినిమా నిర్మాణంలో ఉండగా మరో కొడుకు వెంకటేష్ హీరోగా అగ్రహీరోల్లో ఒకడిగా నిలిచి ఎక్కువగా కుటుంబ ప్రేక్షకులకు మహిళా ప్రేక్షకులకు దగ్గరయ్యారు. ఒకవైపు కామెడీ చేస్తూనే మరోవైపు సెంటిమెంట్ ను పండిస్తూ ప్రేక్షకులను ఆకట్టుకున్నారు వెంకటేష్. దగ్గుబాటి కుటుంబం మీద ఒక్క రూమర్ కానీ, వివాదం లేకుండా నిలిచారు. ఇక ఆ కుటుంబం గురించి మరిన్ని ఆసక్తికర విషయాలను వెంకటేష్ వ్యక్తిగత మేకప్ మాన్ రాఘవ మాట్లాడారు.
ఆస్తుల పంపకం… కుటుంబంలో గొడవలు…
మేకప్ మాన్ రాఘవ మాట్లాడుతూ ఇన్నేళ్ల నుండి దగ్గుబాటి ఫ్యామిలీ అందరికీ తెలుసు కానీ ఒక్కసారి కూడా వారి మీద చిన్న వివాదం కూడా ఉండదు. ఇక రామా నాయుడు గారు మరణించిన తరువాత కూడా వారి ఇంట్లో ఆస్తుల గురించి ఏ చిన్న గొడవ కానీ వార్త కానీ బయటకు రాలేదు. అంత అందంగా ఆ కుటుంబం ఉంటుంది అంటూ రాఘవ చెప్పారు.
కుటుంబంలో అందరూ చాలా చక్కగా ఉంటారు, నిర్మాణ సంస్థ గురించి మొత్తం ప్రొడక్షన్ పనులను సురేష్ బాబు చూసుకుంటారు, వెంకటేష్ అసలు ఆ విషయాలను పట్టించుకోరు. ఇక పిల్లలు కూడా అంకుల్, ఆంటీ ఈ పిలుపులు ఉండవు. కేవలం బాబాయ్ పిన్ని పెదనాన్న ఇలానే ఉంటాయి. అందరూ కలిసి మెలిసి ఉంటారు. విబేధాలు లేని ఏకైక ఫ్యామిలీ దగ్గుబాటి ఫ్యామిలీ అంటూ చెప్పారు రాఘవ. ఇక వారు తమతో పని చేసేవారిని కూడా చాలా బాగా చూసుకుంటారు అంటూ చెప్పారు రాఘవ.
