Heroine Amani : సహజమైన తన అందంతో, నటనతో మంచి గుర్తింపు తెచ్చుకుని సగటు ఇల్లాలి పాత్రలలో ఒదిగిపోయి నటించి ప్రేక్షకుల మదిలో నిలిచిపోయిన హీరోయిన్ ఆమని. హీరోయిన్ గా మంచి పాత్రలను చేసి తన నటనను నిరూపించుకున్న ఆమని ప్రస్తుతం సినిమాల్లో అడపాదడపా కనిపిస్తూ, అటు బుల్లితెర మీద కూడా సందడి చేస్తోంది. ఇటీవలే ఎమ్సీఏ, చావు కబురు చల్లగా, మోస్ట్ ఎలిజిబుల్ బ్యాచిలర్ వంటి సినిమాలలో నటించింది. ఇక బుల్లితెర మీద రియాలిటీ షోకి అప్పుడప్పుడు జడ్జిగా వ్యవహారిస్తూ సీరియల్స్ కూడా నటిస్తూ అలరిస్తున్న ఆమని తన కెరీర్ అలాగే వ్యక్తిగత విషయాలను పంచుకున్నారు.
కమల్ హాసన్ ను నిజంగానే కొట్టేసాను…
ఆమని చేసిన కొద్ది సినిమాల్లోనే లెజెండ్రి డైరెక్టర్స్ తో పనిచేసింది. అందులో కళాతపస్వి విశ్వనాధ్ గారు కూడా ఉన్నారు. ఆయన డైరెక్షన్ లో ‘శుభసంకల్పం’ సినిమాలో నటించారు ఆమని. ఆ సినిమాలో కమల్ హాసన్ కి జోడిగా నటించిన ఆమె ఒక సన్నివేశంలో కమల్ హాసన్ ని చంప మీద కొట్టాల్సి ఉండగా బాగా నటించాలి అనే ఆత్రుతతో నిజంగానే కమల్ హాసన్ చంప మీద గట్టిగా కొట్టారట.
అపుడు కమల్ హాసన్ సహజంగా చేయాలని నిజంగా కొట్టక్కర్లేదు అంటూ అన్నారట. అయితే అలా కొట్టే సీన్ లో ఇప్పటికీ అలా నిజంగానే కొడుతారట ఆమని. తాజాగా బ్రాహ్మజీ గారితో కలిసి నటిస్తున్న ఒక సినిమాలో కోడలు గా నటిస్తున్న ధన్య బాలకృష్ణ ను కూడా అలానే కొట్టారట. బాగా చేయండి అని చెప్తే అలా నిజంగానే కొట్టేస్తారా, ఎంత నేచురల్ గా నటించమంటే మాత్రం అలా కొట్టేస్తారా అని బ్రాహజీ గారు అడిగారట.
