Heroine Amani : సహజ అందంతో పక్కింటి మహిళగా, తెలుగింటి గృహిణిగా కనిపించే ఆమని తాను నటించిన సినిమాల్లో తెలుగు ప్రేక్షకులు గుర్తుండిపోయేలా నటించి మెప్పించింది. కన్నడ అమ్మాయి అయిన ఆమని పుట్టింది కర్ణాటక అయినా మూలాలు ఆంధ్రప్రదేశ్ అనంతపురం జిల్లాలో ఉన్నాయంటూ ఇటీవల ఒక ఇంటర్వ్యూలో పంచుకున్నారు. ఇక తనకు హీరో చిరంజీవి అంటే చిన్నప్పటి నుండి చాలా ఇష్టమంటూ చెప్పిన ఆమని ఆయతో సినిమా అవకాశం ఎలా మిస్ అయిందో చెప్పారు.
‘రిక్షావోడు’ లో మొదట నేను చేయాల్సింది…
ఆమని తొంభైయ్యో దశకంలో హీరోయిన్ గా అడుగుపెట్టడం వల్ల దాదాపుగా తెలుగులో అప్పటి హీరోలందరితోనూ చేసినా కేవలం చిరంజీవి, వెంకటేష్ తో మాత్రమే చేయలేకపోయారు. అయితే చిరంజీవి గారితో రిక్షావోడు సినిమాలో మొదట నగ్మా స్థానంలో తీసుకున్నారట. సౌందర్య, ఆమని కాంబినేషన్ లో అప్పటికే కొన్ని సినిమాలు రావడంతో మళ్ళీ మన కాంబినేషన్ లో మరో సినిమా అంటూ సౌందర్య ఫోన్ చేసి మరీ తన ఆనందాన్ని ఆమనితో పంచుకుందట.
అయితే సినిమాకు డైరెక్టర్ మారడం వల్ల ఆమని స్థాంలో నగ్మా ను తీసుకున్నారట. విషయం తెలిసి ఆమని చాలా బాధపడిందట. తన అభిమాన హీరో సినిమాలో నటించే అవకాశం పోవడంతో చాలా బాధపడ్డాను అయితే నా ఫ్రెండ్ సౌందర్య ఆ సినిమాలో చేసినందుకు నాకు ఆనందగానే ఉంది అంటూ ఆమని ఇటీవల ఒక ఇంటర్వ్యూలో తన అభిప్రాయాలను పంచుకున్నారు.
