Heroine Amani : సహజమైన తన అందంతో, నటనతో మంచి గుర్తింపు తెచ్చుకుని సగటు ఇల్లాలి పాత్రలో ఒదిగిపోయి నటించి ప్రేక్షకుల మదిలో నిలిచిపోయిన హీరోయిన్ ఆమని. హీరోయిన్ గా మంచి పాత్రలను చేసి తన నటనను నిరూపించుకున్న ఆమని ప్రస్తుతం సినిమాల్లో అడపాదడపా కనిపిస్తూ, అటు బుల్లితెర మీద కూడా సందడి చేస్తోంది. ఇటీవలే ఎమ్సీఏ, చావు కబురు చల్లగా, మోస్ట్ ఎలిజిబుల్ బ్యాచిలర్ వంటి సినిమాలలో నటించింది. ఇక బుల్లితెర మీద అటు రియాలిటీ షోకి అప్పుడప్పుడు జడ్జిగా వ్యవహారిస్తూ, సీరియల్స్ కూడా నటిస్తూ అలరిస్తున్న ఆమని తన కెరీర్ అలాగే వ్యక్తిగత విషయాలను పంచుకున్నారు.
నా మీద కేసు పెట్టింది అందుకే…
ఆమని గారి తండ్రి డిస్ట్రిబ్యూటర్ గా ఉండటం వల్ల సినిమా ఇండస్ట్రీతో చిన్నపటి నుండి సంబంధాలు ఉన్నాయి. అయితే మొదట తండ్రికి ఆమని హీరోయిన్ అవడం ఇష్టం లేదట. కానీ చివరకు తనకు తాను కష్టపడి హీరోయిన్ గా అవకాశం తెచ్చుకోవడం, ఈవివిగారి సినిమాలో మంచి అవకాశం దొరికడంతో ఆయనా ఒప్పుకున్నారట. ఇక ఆయన మరణించాక పెద్ధ కూతురుగా ఇంటి బాధ్యత మొత్తం ఆమని గారు చూసుకున్నారు.
అలా తమ్ముడిని, తన తల్లి దత్తత తీసుకున్న ఇద్దరు ఆడపిల్లల్ని అందరినీ చదివించి సెటిల్ చేసారు. అయితే తమ్ముడి భార్య తరుపున వాళ్ళు తన మీద వేధింపుల ఆరోపణలతో కేసు వేయడం గురించి చెబుతూ ఆ కేసులో తనమీద వేసిన నింద నిజం కాదంటూ చెప్పారు. తన తమ్ముడు భార్య కూడా చాలా మంచి అమ్మాయి అని ఇందులో తన తప్పు కూడా లేదంటూ వివరించారు. ఆ అమ్మాయి తరుపున వాళ్లకు లాయర్ ఎవరైనా సెలబ్రిటీ కుటుంబంలో ఉన్నపుడు వారి మీద కేసు పెడితే స్ట్రాంగ్ ఉంటుంది అని చెప్పడంతో అలా నా పేరును కేసులో పెట్టరు. నా తమ్ముడికి అతని భార్యకి వచ్చిన చిన్న చిన్న గొడవలు అంతే ఇపుడు అవేవీ లేవు. అందరం హ్యాపీగా ఉన్నాం, తను నాతో చాలా చక్కగా ఉంటుంది అంటూ వివరించారు.
