Inaya Sulthana : వర్ధమాన నటి ఇనయ సుల్తానా వివాదాల జీవి ఆర్జీవి తో డాన్స్ చేసిన వీడియో సోషల్ మీడియాలో చక్కర్లు కొట్టడంతో ఒక్కసారిగా ఫేమస్ అయింది. నెటిజన్స్ నుండి ట్రోల్స్ కూడా వెల్లువెత్తాయి. ఇక రామ్ గోపాల్ వర్మ స్పందిస్తూ నేను కాదు ఆ వీడియో లో ఉన్నది, అంటూ తనదైన శైలి లో స్పందించాడు. ఈ వీడియో వల్ల సుల్తానా ఇంట్లో తనను ఎలా చూస్తున్నారు తన జీవితం ఎలా మారిపోయింది అన్నది తాజాగా ఒక ఇంటర్వ్యూ లో ఇనయ సుల్తానా చెప్పింది.
మా అమ్మ ఏడ్చింది…
సినిమాల్లోకి రావాలని ఉన్నా ఇంట్లో వాళ్ళ సహకారం లేక ఇంట్లో నుండి వచ్చేసి హైదరాబాద్ లో సినిమా ప్రయత్నాలు చేసిందట ఇనయ. తన తండ్రి కరోనా సమయంలో మరణించడం తో కుటుంబం ఆర్ధిక కష్టాలకు లోనైందని, అయితే తాను సినిమాల్లోకి వెళ్లడం పక్కన పెడితే అసలు జాబ్ చేయడం కూడా తన కుటుంబానికి ఇష్టం లేదని చెప్పింది. ఇక ఒంటరిగానే హైదరాబాద్ లో సినిమా ప్రయత్నాలు మొదలుపెట్టిన ఇనయ సుల్తానా కి రామ్ గోపాల్ వర్మ తో కలిసి పనిచేసే అవకాశం రావడం, పరిచయం ఏర్పడటం తో తన పుట్టినరోజున పార్టీ కి పిలిచినపుడు డాన్స్ చేశామని, ఆ వీడియో నా బర్త్ డే పార్టీ అయిన నాలుగు రోజులకు బాగా వైరల్ అయింది. ఇక ఆ వీడియో తరువాత అమ్మ ఫోన్ చేసి బాగా ఏడ్చింది, వంశం పరువు మొత్తం తీస్తున్నావ్ అంటూ ఇంటి సభ్యులు తిట్టడం, బాగా బాధేసింది అంటూ ఎమోషనల్ అయింది ఇనయ సుల్తానా. నా గురించి మాట్లాడటం కూడా మా ఇంట్లో వాళ్లకు ఇష్టం లేదు. అందుకే వాళ్ళ గురించి నేను కూడా ఎక్కడా చెప్పాలనుకోవడం లేదు.
ఒంటరి మహిళ గానే ఉంటూ సినిమా ఫీల్డ్ లో మంచి పాత్రలు చేయాలని ఉంది అంటూ ఇనయ చెప్పింది. ఇంట్లో నుండి వచ్చేసిన తరువాత చాలా సార్లు ఇంటికి ఫోన్ చేసినా వాళ్ళు ఇలా అనుకుంటున్నారు వీళ్ళు ఇలా అనుకుంటున్నారు కుటుంబం పరువు తీసావ్ అంటూ తిట్టారు గానీ నా గురించి నాకున్న బాధలను వినలేదు. సోషల్ మీడియా లో నా ఫోటోలను చూసి నేను హ్యాపీగా ఉన్నానని అనుకుంటారు కానీ సినిమాల్లో అవకాశలు కోసం సోషల్ మీడియా లో ఉండాల్సిందే. ఇక ఆ ఫోటో వెనుక నా బాధలేంటో నాకు తెలుసు అంటూ ఎమోషనల్ అయింది. ప్రస్తుతం మంచి సినిమాల్లో నటిస్తున్నానని మొదట్లో క్యాస్టింగ్ కౌచ్ సమస్య వల్ల పెద్ద సినిమాలను వదులుకున్నానని చెప్పింది. తాజాగా వరుణ్ తేజ్ సినిమాలో నటిస్తున్న ఈ ‘ఏవం జగత్’ బ్యూటీ చేతి నిండా ప్రాజెక్ట్స్ తో బిజీగా ఉన్నానని ఆర్థిక ఇబ్బందులు ఉన్నా సినిమాల్లో ఖచ్చితంగా అనుకున్నది సాధిస్తానని చెబుతోంది.
I once again want to clarify that the guy in this video is not me and the Girl in Red is not @inaya_sultana and I swear this on American President JOE BIDEN pic.twitter.com/K8nNera7Rc
— Ram Gopal Varma (@RGVzoomin) August 22, 2021
