సోనూసూద్ నివాసాలపై ఐటీ దాడులు ఉధృతం..20 కోట్లు పన్నులు ఎగ్గొట్టారంటున్న ఐటీ శాఖ..

కరోనా కష్టకాలంలో ఆపదలో ఉన్న ఎంతోమందికి అండగా నిలిచి ఎంతోమంది ప్రాణాలను నిలబెట్టిన రియల్ హీరో సోను సూద్ గురించి ప్రత్యేకంగా చెప్పాల్సిన పనిలేదు.ఇలా ఆపదలో ఉన్నవారికి సహాయం చేస్తూ అందరి పాలిట దేవుడిగా ఉన్నటువంటి సోను సూద్ పై గత మూడు రోజుల నుంచి ఐటీ దాడులు జరుగుతున్న సంగతి మనకు తెలిసిందే.ఇప్పటికీ సోను సూద్ ఆఫీసులు నివాసాలు అతని సన్నిహితుల ఇంటిలో ఐటి అధికారులు పెద్ద ఎత్తున దాడులు నిర్వహించారు.

ఈ విధంగా మూడు రోజుల నుంచి దాడులు నిర్వహిస్తున్నటువంటి ఐటీ అధికారులు సోనూసూద్ అతని సహచరులు సుమారు రూ.20 కోట్లు పన్ను ఎగ్గోట్టారని ఐటీ శాఖ అధికారులు తెలియజేశారు. కేవలం పన్ను ఎగర కొట్టడమే కాకుండా Foreign Contribution Act నిబంధనలను ఉల్లంఘించినట్లు తెలుస్తుంది.

ఈ విధంగా సోనూసూద్ 20 కోట్ల పన్ను ఎగవేత ఆరోపణలు అతనిపై దాడులను అధికారులు మరింత ఉధృతం చేశారు. ఈ క్రమంలోనే అతనికి సంబంధించిన 28 ప్రాంతాలలో గత మూడు రోజుల నుంచి సెర్చ్‌ ఆపరేషన్‌ నిర్వహిస్తున్నట్లు సెంట్రల్ బోర్డ్ ఆఫ్ డైరక్ట్ టాక్సెస్ తెలిపారు. కరోనా సమయంలో ఎందరికో అండగా నిలిచినటువంటి సోను సూద్ పై ఐటీ దాడులు నిర్వహించడంతో కేంద్ర ప్రభుత్వంపై ఆమ్ ఆద్మీ, శివసేన పార్టీలు తీవ్రఆగ్రహం వ్యక్తం చేస్తున్నాయి.

ఒకానొక సమయంలో సోను సూద్ పై ప్రశంసలు కురిపించిన బిజెపి ప్రభుత్వం ప్రస్తుతం ఢిల్లీ -పంజాబ్ ప్రభుత్వాలు అతనితో సంబంధం కొనసాగిస్తున్న సమయంలో ఈ విధంగా ఐటీ దాడులు చేయించడం, సోనుసూద్ ను పన్ను ఎగవేత దారుడిగా ఆరోపిస్తున్నారంటూ శివసేన పార్టీ వ్యాఖ్యానించింది. అదేవిధంగా ఆమ్ ఆద్మీ పార్టీ అధ్యక్షుడు అరవింద్ కేజ్రీవాల్ కూడా తన పూర్తి మద్ధతును సోనుసూద్ కి తెలుపుతూ ట్వీట్ చేశారు.