Jayamalini : ఇప్పుడు ఐటమ్ సాంగ్స్ హీరోయిన్స్ చేస్తున్నారు, కొత్తగా ఎవరో ఒకరు ముంబై నుండి వచ్చిన మోడల్ చేస్తున్నారు. అయితే ఒకప్పట్లో ఐటమ్ సాంగ్ అంటే మాత్రం జ్యోతిలక్ష్మి, జయమలిని, సిల్క్ స్మిత డిస్కో శాంతి, అనురాధ ఇలా కొంతంది గుర్తొస్తారు. అందులోనూ జ్యోతిలక్ష్మి, జయమాలిని అంటే అప్పట్లో ఐటమ్ సాంగ్ కే క్రేజ్ తెచ్చారు. ముఖ్యంగా జయమలిని ఐటమ్ సాంగ్ ఉంటేనే అన్నట్లుగా సినిమాలను తీసిన రోజులు ఉండేవి. హీరోయిన్లకు ధీటుగా రెమ్యూనరేషన్ తీసుకున్న జయమాలిని పెళ్లి తరువాత సినిమాలలో నటించడం మానేశారు. కేవలం కుటుంబానికి సమయం కేటాయిస్తూ హ్యాపీ గా ఉన్నారు. ఇటీవల ఒక ఇంటర్వ్యూలో పాల్గొని తన కెరీర్ అలానే వ్యక్తిగత జీవితానికి సంబంధించిన విషయాలను పంచుకున్నారు.
సిల్క్ స్మిత చేసిన తప్పు అదే…
జయమలిని అప్పటి సినిమాల్లో పనిచేసిన విధానం గురించి మాట్లాడుతూ బాడి షేమింగ్ కానీ ఇబ్బందులు పెట్టడం లాంటివి ఉండేవి కదంటూ చాలా మంచి వ్యక్తులతో లెజెండ్స్ తో నేను వర్క్ చేసానంటూ చెప్పారు. ఎవరు ఎవరికీ కంపిటిషన్ కదంటూ, నాకన్నా ముందు జ్యోతిలక్ష్మి ట్రెండ్ నడిచింది ఆ తరువాత నేను నా తరువాత సిల్క్ స్మిత, ఆ తరువాత అనురాధ ఇలా మారుతుంది అంతే కానీ మేము ఎపుడూ కంపిటిషన్ అనుకోలేదు అంటూ చెప్పారు. నాకన్నా బాగా చేసావ్ అని సిల్క్ ను పొగిడినా నాకేం బాధగా అనిపించదు, తను నా చెల్లెలు వంటిదే అంటూ చెప్పారు.
అయితే సిల్క్ స్మిత ఇబ్బందులు, మరణం గురించి చెబుతూ తాను ఎక్కువగా మాట్లాడేది కాదంటూ చెప్పారు. పెద్దగా తనతో మాట్లాడింది లేదని, అయితే తాను చేసిన తప్పు అంటే సొంతవారిని నమ్మకుండా మూడో వ్యక్తిని నమ్మింది అంటూ చెప్పారు. ప్రేమ ఇవన్నీ పక్కన పెడితే సొంత తల్లి, అన్నను నమ్మలేదు తాను. ఒకవేళ వాళ్ళు నీ డబ్బులను తింటారు అనుకున్నా నీ సొంతవాళ్లు కాదా, సగం తిన్నా సగం నీకంటూ పెట్టేవారు నీకు పెళ్లి చుసి నీతో ఉండేవారు. కానీ ఎవరినో ప్రేమించి నమ్మితే మోసం చేసాడు అంటూ అదే తాను చేసిన పెద్దతప్పు అంటూ చెప్పారు.
