Kalyan Ram : కళ్యాణ్ రామ్ నుండి తాజాగా వస్తున్న సినిమా బింబిసార. ‘ఎంత మంచివాడవురా’ సినిమా తర్వాత చాలా గ్యాప్ తో ఈ సినిమా చేస్తున్నారు కళ్యాణ్ రామ్. హిట్లు ప్లాపులతో సంబంధం లేకుండా సినిమాలు తీస్తు, ప్రయోగాత్మక సినిమాలకు పెద్ద పీట వేస్తున్నారు కళ్యాణ్ రామ్. మరో వైపు నిర్మాత గా కూడా సినిమాలు నిర్మిస్తున్నాడు.
క్రీస్థు పూర్వం 5 వ శాతాబ్దానికి చెందిన మగధ రాజ్యాధినేత బింబిసారుని కథతో ఈ సినిమా రాబోతోంది. శ్రీ వశిష్ట ఈ సినిమాకి దర్శకత్వం వహిస్తుండగా కళ్యాణ్ రామ్ బావమరిది అయిన హరికృష్ణ ఎన్టీఆర్ ఆర్ట్స్ బ్యానర్ పై ఈ సినిమాని నిర్మిస్తున్నారు. ఇక ఇటీవల పుణ్యభూమిలో ఓ అటవీక రాజు కథే ఈ సినిమా అంటూ విడుదల అయిన మోషన్ పోస్టర్ కి మంచి ఆదరణ లభించింది. ఇక ఈరోజు ఈ సినిమాకు సంబందించిన ట్రైలర్ విడుదల అయింది.
త్రిగర్తల సామ్రాజ్యపు నెత్తుటి సంతకం….
ఈరోజు విడుదల అయిన ట్రైలర్ అదిరిందనే చెప్పాలి. ఓ సమూహం తాలుకు ధైర్యాన్ని ఒక ఖడ్గం శాసిస్తే, కొన్ని వందల రాజ్యాలు ఆ ఖడ్గనికి తలవంచి బానిసలైతే ఇందరి భయాన్ని చూసి పొగరుతో ఒక రాజ్యం మీసం మేలేసింది. అదే త్రిగర్తల సామ్రాజ్యపు నెత్తుటి సంతకం బింబిసారుడి ఏకచత్రాదిపథ్యం… అంటూ బ్యాక్ గ్రౌండ్ లో వచ్చే డైలాగు, దానికి తగ్గట్టు విజువల్స్ ఆకట్టుకుంటున్నాయి. ఇక ఈ సినిమాని డిసెంబర్ లో ప్రేక్షకుల ముందుకు తీసుకువచ్చే అవకాశాలు వున్నాయట.
