Kamal Haasan: ‘విక్రమ్’ సినిమా షూటింగ్ స్పాట్ లో కమల్ హాసన్…కరోనా నుంచి కోలుకున్నాక మొదటిసారి ఇలా..!

Kamal Haasan: యూనివర్సల్ యాక్టర్ కమల్ హాసన్ కరోనా నుంచి పూర్తిగా కోలుకున్నారు. గతంలో కరోనా బారిన పడటంతో ప్రపంచ వ్యాప్తంగా ఉన్న కమల్ అభిమానులు ఆందోళన చెందారు. ఇటీవల కరోనా నుంచి పూర్తిగా కొలుకున్నారు. దీంతో షూటింగ్ లకు హాజరవుతున్నారు. తాజాగా కమల్ హాసన్ నటిస్తున్న ‘విక్రమ్’ సినిమా షూటింగ్ స్పాట్ లో అడుగుపెట్టారు కమల్.

లోకేష్ కనగరాజ్ దర్శకత్వం వహిస్తున్న ఈసినిమాపై అంచనాలు భారీగానే ఉన్నాయి. గత ఆగస్టులో ప్రారంభమైన మూవీ పలు షెడ్యూళ్లను పూర్తి చేసుకుంది. అయితే కమల్ హాసన్ కు కరోనా రావడంతో షూటింగ్ అర్ధాంతరంగా ఆగిపోయింది. ప్రస్తుతం కమల్ హాసన్ షూటింగ్ లో పాల్గొంటుండటంతో ఇక షూటింగ్ శరవేగంగా జరుగనుంది.

Faria Abdullah: బంపర్ ఆఫర్ కొట్టేసిన జాతిరత్నాలు హీరోయిన్.. ఏకంగా స్టార్ హీరో సరసన..!

ఈ సినిమాలో కమల్ హాసన్ తో పాటు విజయ్ సేతుపతి, ఫహాద్ ఫాజిల్ వంటి టాలెంటెడ్ యాక్టర్లు కూడా స్క్రీన్ షేర్ చేసుకోబోతున్నారు. ప్రస్తుతం వీరి ముగ్గురిపై షూటింగ్ జరుగుతోంది. ఈ ముగ్గురు కలిసి నటుస్తుండటం కూడా సినిమా పై అంచనాలు పెరిగేందుకు కారణమైంది. గతంలో లోకేష్ కనగరాజ్ డైరెక్ట్ చేసిన సినిమాలు సూపర్ డూపర్ హిట్ అయ్యాయి.

కార్తీతో తీసిని ఖైదీ, విజయ్ తో తీసిన మాస్టార్ సినిమాలు బాక్సాఫీస్ వద్ద దుమ్ము రేపాయి. దీంతో కమల్ హాసన్ విక్రమ్ మూవీపై కూడా అంచనాలు భారీ స్థాయిలో ఉన్నాయి. ఇప్పటికే రిలీజ్ అయిన ఈ చిత్ర టీజర్ అభిమానులను కట్టిపడేస్తోంది. టీజర్ లోని యాక్షణ్ సీక్వెన్సెస్ ఓ రేంజ్ లో ఉన్నాయి. అయితే ఇక సినిమా ఏ రేంజ్ లో ఉంటుందో అని ప్రేక్షకులు అంచానా వేసుకుంటున్నారు.