Karan Johar : బాలీవుడ్ బడా డైరెక్టర్ మరియు ప్రొడ్యూసర్ అయిన కరణ్ జోహార్ సౌత్ సినిమాల గురించి మరో సారి హాట్ కామెంట్స్ చేసారు. నార్త్ సినిమాలు జనాలను అక్కట్టుకోకపోవడం ఆ స్థానాన్ని సౌత్ సినిమాలు భర్తీ చేస్తుండడం పట్ల ఆయన విశ్లేషించారు. కేజీఎఫ్ 2 సినిమా నచ్చిందంటూనే అలాంటి సినిమా బాలీవుడ్ లో గనుక వచ్చుంటే పరిస్థితి ఎలా ఉండేదో చెప్పారు.
మమ్మల్ని విమర్శలతో చంపేవారు…
ఈమధ్యనే కేజీఎఫ్ 2 చూసిన కరణ్ జోహార్ నిజం చెప్పాలంటే సినిమా నాకు చాలా నచ్చిందంటూ కామెంట్ చేసారు. బాలీవుడ్ లో దర్శకులు ఒక సినిమాలో చాలా అంశాలు చూపించాలని అనుకుంటూ తడబడుతున్నారు. కానీ సౌత్ దర్శకులు వారు ఏమి చెప్పాలనుకుంటున్నారో ఆ విషయాన్ని ఖచ్చితంగా ప్రేక్షకులకు అందిస్తున్నారు. దీంతో ప్రేక్షకులకు ఆ విషయం నచ్చుతోందని అభిప్రాయపడ్డారు. బాలీవుడ్ లో కేజీఎఫ్ లాంటి సినిమా గనుక తీస్తే ఇక అంతే అంటూ కామెంట్స్ చేసారు. ఒకవేళ అలాంటి సినిమా తీస్తే విమర్శలు ఎదురవుతాయని, ఆ విమర్శలతోనే మమ్మల్ని చంపే వాళ్ళని అన్నారు.
ఇక కేజీఎఫ్ 2 సందడి ఇంకా కొనసాగుతూనే ఉంది. అమెజాన్ ప్రైమ్ లో అందుబాటులోకి వచ్చాక మరింత మందికి చేరువైంది. మొత్తంగా 1200కోట్ల రూపాయల గ్రాస్ కలెక్ట్ చేసింది కేజీఎఫ్2 సినిమా. యష్ అభిమానులకే కాకుండా కామన్ ప్రేక్షకులకు కూడా తెగ నచ్చేసింది ఈ ప్రశాంత్ నీల్ సినిమా. ఇక యష్ నెక్స్ట్ సినిమా మేధా చాలా ఆశలే పెట్టుకున్నారు ప్రేక్షకులు.
