Karthika Deepam: బుల్లితెరపై ప్రసారం అవుతూ విశేషమైన ప్రేక్షకాదరణ దక్కించుకున్న కార్తీకదీపం సీరియల్ గురించి ప్రత్యేకంగా చెప్పాల్సిన పనిలేదు. స్టార్ మాలో ప్రసారమయ్యే అన్ని సీరియల్స్ లో కన్నా అత్యధిక రేటింగ్ లో దూసుకుపోతున్న ఈ సీరియల్ కి విశేషమైన ప్రేక్షకాదరణ ఉంది. ఇక ఈ సీరియల్లో వంటలక్క డాక్టర్ బాబు పాత్రలకు ఎలాంటి ఫ్యాన్స్ ఫాలోయింగ్ ఉందో… విలన్ పాత్రలో నటిస్తూ అందరినీ మెప్పించిన మోనిత పాత్ర కూడా అందరిని ఎంతగానో అలరించింది.
ఇక ఈ సీరియల్ చూస్తున్నంతసేపు కొందరు ఈ సీరియల్ పై అభిమానం చూపగా మరికొందరు కార్తీకదీపం సీరియల్ ఎప్పుడు అయిపోతుంది అంటూ సందేహాలను వ్యక్తపరిచిన వారు కూడా ఉన్నారు. అయితే అభిమానులకు ఇది ఒక చేదు వార్త అని చెప్పాలి. కార్తీకదీపం సీరియల్ కు త్వరలోనే శుభం కార్డు పడబోతుందని ఇదే లాస్ట్ డే షూటింగ్ అంటూ మోనిత యూట్యూబ్ ఛానల్ ద్వారా ఒక వీడియోని షేర్ చేశారు.
అయితే ఈ సీరియల్ కి శుభం కార్డు పడటం కాదు ఇందులో మోనిత పాత్ర నేటితో పూర్తి అవుతుందని, గత ఆరు సంవత్సరాల నుంచి ఈ సీరియల్ లో ఏ క్యారెక్టర్ ఆర్టిస్టు, టెక్నీషియన్ కూడా మారకుండా అందరూ ఒక కుటుంబంలా పనిచేసాము అలాంటి సీరియల్ నుంచి తను వెళ్లిపోవడంతో మోనిత తన యూట్యూబ్ ఛానల్ ద్వారా ఒక వీడియోని చేసి ఈ సీరియల్ నుంచి వెళ్లి పోతున్నందుకు ఎమోషనల్ అయినట్లు తెలుస్తుంది.
కథలో కీలక మలుపు…
ఇక షూటింగ్ లొకేషన్లో కి వెళ్ళిన మోనిత అందరితో తన అనుభవాలను పంచుకొని కాస్త ఎమోషనల్ అయ్యారు. సీరియల్ లో నటించే ప్రతి ఒక్క ఆర్టిస్టుతో తనకు ఉన్న అనుబంధాన్ని పంచుకున్నారు. ఇక కార్తీకదీపం సీరియల్ లో మోనిత చివరి రోజు షూటింగ్ పూర్తికావడంతో షూటింగ్ లొకేషన్ లో కేక్ కట్ చేసి ఎమోషనల్ తో కూడిన పార్టీ చేసుకున్నారు. ఇక సీరియల్ నుంచి మోనిత తప్పుకోవడంతో కథ ఎలాంటి మలుపు తిరగబోతోందని ఆసక్తి అందరిలోనూ నెలకొంది.
