Kasthuri Shankar : తెలుగు, తమిళ, కన్నడ భాషలలో నటించిన కస్తూరి అందరికీ సుపరిచితమే. ఇక సినిమాల తరువాత బిగ్ బాస్ తమిళ్ లో పాల్గొని మళ్ళీ ప్రేక్షకులకు దగ్గరైంది. ఇక అప్పుడప్పడు టీవీ షోలలో గెస్ట్ గా వచ్చి అలరిస్తున్న కస్తూరి మా టీవిలో వచ్చే ‘ఇంటింటి గృహలక్ష్మి’ సీరియల్ ద్వారా బుల్లితెర అభిమానులకు పరిచయం. సీరియల్ లవర్స్ చాలా మంది ఇష్టపడుతున్న సీరియల్ ఇంటింటి గృహలక్ష్మి. ఇక కస్తూరి ఆ సీరియల్ లో తులసిగా మెయిన్ లీడ్ లో నటించింది. ఆ సీరియల్ ద్వారా మంచి పేరు తెచ్చుకుంది. ఇక తన సినిమా కెరీర్ గురించి మాట్లాడిన కస్తూరి శంకర్ తన మీద వచ్చిన గాసిప్స్ మీద స్పందించారు.
చికెన్ కోసం గొడవ చేశా అని రాశారు… రాసిన వాళ్ళు కనిపిస్తే…
కస్తూరి శంకర్ ‘అన్నమయ్య’ సినిమాలో రమ్యకృష్ణ తో పాటు హీరోయిన్ గా నటించిన ఆమె అందులో బ్రాహ్మణ యువతిగా అన్నమయ్య కు భార్యగా నటించారు. అయితే ఆ సినిమా షూటింగ్ సమయంలో రమ్యకృష్ణ, కస్తూరి ఇద్దరూ చికెన్ కోసం గొడవ చేసారని, చికెన్ పెడితేనే షూటింగ్ లో పాల్గొంటామని గోల చేశారని, ఈ గాసిప్ అప్పట్లో ఎవరో రాసారని కస్తూరి పేర్కొన్నారు.
ఈ విషయం గురించి కస్తూరి మాట్లాడుతూ నేను వెజిటేరియన్ అని అందరికీ తెలుసు కానీ ఇలాంటి గాసిప్స్ ఎందుకు రాసారో తెలియదు. ఆ సమయంలో అమెరికా లో ఉన్నాను. అపుడు ఎవరు ఈ గాసిప్ రాసారో వెతకాలని అనుకున్నా కొద్ది రోజులకు వదిలేసాను. ఆ గాసిప్ రాసిన వాళ్ళు నాకు కనిపిస్తే అపుడు ఉండేది అంటూ కస్తూరి అప్పటి విషయాలను పంచుకున్నారు.
