Kiccha Sudeep : కన్నడలో అగ్ర హీరోగా ఉంటూ కన్నడ ప్రేక్షకులకు చేత ‘కిచ్చ’ అంటూ ముద్దుగా పిలిపించుకుంటున్న హీరో సుదీప్ తెలుగు ప్రేక్షకులకు రాజమౌళి గారి ‘ఈగ’ సినిమా ద్వారా పరిచయం. ఆ సినిమా లో విలన్ గా ఆయన నటనకు తెలుగు ప్రేక్షకులు ఫిదా అయ్యారు. ఇక ఆ తరువాత బాహుబలి, సైరా నరసింహారెడ్డి సినిమాల్లో నటించిన సుదీప్ తెలుగు ప్రేక్షకులకు దగ్గరయ్యారు. ఇక ఇటీవలే ఆయన కన్నడ సినిమా ‘విక్రాంత్ రోణా’ ద్వారా మరోసారి తెలుగు ప్రేక్షకులను ఆకట్టుకున్నారు.
రామ్ చరణ్ కు ఎవరైనా ఫిదా అవ్వాల్సిందే…
సుదీప్ చిరంజీవి గారితో తాను పనిచేయడం గురించి ఒక ఇంటర్వ్యూలో మాట్లాడుతూ ఇప్పటికీ యంగ్ కుర్రాడిలాగా డాన్స్ వేస్తారు, కష్టపడతారు, ఆయన ఎనర్జీ సూపర్, అందరూ ఆయనను చూసి నేర్చుకోవాలి, చాలా సింపుల్ గా ఉంటారు అంత స్టార్ డమ్ ఉన్నా కూడా అంటూ చెప్పారు. ఇక రామ్ చరణ్ గురించి మాట్లాడుతూ మెగాస్టార్ కొడుకు అన్నట్లుగా అసలు ఉండడని చాలా సింపుల్ గా ఉంటారు అంటూ చెప్పారు.
తనతో ఒకసారి పరిచయం ఏర్పడితే ఎవరైనా రామ్ చరణ్ ను ఇష్టపడాల్సిందే అంటూ చెప్పారు. రామ్ చరణ్ పరిచయం అయ్యాక అతని సింపుల్ నేచర్ చూస్తే ఎవరైనా ఇష్టపడతారు మరో ఆప్షన్ లేదు అంటూ చెప్పారు సుదీప్. మెగాస్టార్ చిరంజీవి చాలా అదృష్టవంతుడు అలాంటి కొడుకు ఉన్నందుకు అంటూ ప్రశంసించారు.
