Kodali Nani : ఆంధ్రప్రదేశ్ రాజకీయాల్లో వ్యక్తిగత దూషణలు ఎక్కువైపోయాయి. వైసీపీ నేతలు జనసేన, టీడీపీ నేతలను బాగా విమర్శించడం వాళ్ళు వీళ్ళను విమర్శించడం అంతా మామూలే. అయితే సీఎం జగన్ ఒకప్పుడు బాలకృష్ణ అభిమాని అని చాలా మందికి తెలిసిన విషయమే. అయితే ఇలాంటి మరో ఇంట్రెస్టింగ్ విషయం ఇప్పుడు పొలిటికల్ సర్కిల్ లో వినిపిస్తోంది. అదే వైసీపీ గుడివాడ లీడర్ కొడాలి నాని ఒకప్పుడు పవన్ కళ్యాణ్ ఫ్యాన్. ఇప్పుడు ఇదే ఏపీ లో హాట్ న్యూస్.
ఆ సినిమా కృష్ణ జిల్లా రైట్స్…
కొడాలి నాని ఏ రేంజ్ లో ప్రతిపక్షాలను విమర్శిస్తాడో అందరికీ తెలిసిందే. అయితే రాజకీయాల్లోకి ఎంట్రీ ఇచ్చేముందు కొడాలి నాని సినిమా నిర్మాణం అలాగే డిస్ట్రిబ్యూషన్ లోనూ ఉన్నాడు. కొడాలి నాని కి జూనియర్ ఎన్టీఆర్ తో ఉన్న సన్నిహిత సంబంధాలు తెలిసిందే. అయితే కొడాలి నాని, పవన్ నటించిన ఒక సినిమాను కొని భారీగా లాభాలు మూటగట్టుకున్నాడట. పవన్ కళ్యణ్ సినిమా హిట్ ప్లాప్ తో సంబంధం లేకుండా ఫ్యాన్స్ క్రేజ్ ఉంది.
అలాంటి పవన్ కళ్యాణ్ సినిమా హిట్ టాక్ వస్తే ఇంక ఎన్ని రికార్డులు బద్ధలుకొడుతుందో ఊహించవచ్చు. పవన్ కళ్యాణ్ మాటల మాంత్రికుడు త్రివిక్రమ్ కాంబినేషన్ లో వచ్చిన ‘జల్సా’ సినిమా అప్పట్లో రిలీజ్ అయి చరిత్ర సృష్టించింది. ఏకంగా కృష్ణ జిల్లాలో ఎక్కువ టిక్కెట్లు అమ్ముడుబోయిన సినిమాగా ఆల్ టైం రికార్డు అందుకుంది. ఇక ఆ సినిమా కృష్ణ జిల్లా రైట్స్ కొడాలి నాని కొని కృష్ణ జిల్లా డిస్ట్రిబ్యూషన్ తీసుకున్నారట. అలా జల్సా సినిమాతో బాగా లాభపడ్డాడట నాని.
