Kona Venkat : తెలుగు సినిమా రైటర్, ప్రొడ్యూసర్ గా గుర్తింపు తెచ్చుకున్న కోన వెంకట్, తన పంచ్ డైలాగులకు బాగా ఫేమస్. దూకుడు, అదుర్స్, అల్లుడు శీను వంటి సినిమాల ద్వారా మంచి గుర్తింపు తెచ్చుకున్నాడు. కెరీర్ మొదట్లో హిందీ సినిమాలకు డబ్బింగ్ రైటర్ గా పనిచేసిన కోన వెంకట్ దాదాపు 50 సినిమాలకు పనిచేసాడు. ఇటీవలే తాను సినిమాల్లోకి వచ్చి ఇరవై ఏళ్ళు గడిచిన సందర్బంగా సెలెబ్రేట్ చేసుకున్నారు. ఇక శీను వైట్ల, కోన వెంకట్ జోడి సినిమాల్లో మంచి హిట్లు అందుకున్నారు. కానీ వాళ్ళ మధ్య విబేధాలు రావడంతో ఇద్దరూ మళ్ళీ కలిసి పనిచేయలేదు. ఇక సమకాలిన సినిమా ఇండస్ట్రీ విషయాలను అలాగే రాజకీయాల గురించి కోన తన అభిప్రాయాలను చెప్పారు.
జగన్ ఫ్రీ పథకాలు అందుకే ఇస్తున్నాడు…
ముందునుండీ తన కుటుంబం కాంగ్రెస్ లో ఉండేదని, ఇక రాజశేఖర్ రెడ్డి ఆరోగ్యం గురించి ఆలోచిస్తే జగన్ విద్య కోసాం ఆలోచించాడని చెప్పారు కోన. జగన్ ఫ్రీ గా ఇస్తున్న పథకాల ద్వారా ఇప్పటికీ ఒక కోటి 60 లక్షల దాకా డబ్బు ప్రజలకు మూడు సంవత్సరాల మూడు నెలల్లో చేరిందని, ఈ డబ్బు మార్కెట్ లో ఖర్చు పెట్టడం వల్ల మనీ సెర్క్యూలేషన్ జరిగిందని, పేద వాళ్ళగా ఉన్న వారు ఇపుడు దరిద్ర రేఖకు ఎగువ ఉన్నారంటూ చెప్పారు.
మా అమ్మకు కూడా పెన్షన్ వస్తోందని, వాలంటీర్స్ వ్యవస్థ బాగుందంటూ కితాబు ఇచ్చారు. ఇక విద్యాలయాలలో కృషి కళ్ళకు కనిపిస్తోంది. ఇంతవరకూ చరిత్రలో ఏ సీఎం చేయని పనులను జగన్ చేస్తున్నారంటూ చెప్పారు. ఆంధ్రప్రదేశ్ బాగా అభివృద్ధి చెందుతోంది అంటూ చెప్పారు కోన వెంకట్. తన బంధువులు వైసీపీలో ఉన్నారని నేను చెప్పడం లేదు అంటూ అభిప్రాయ పడ్డారు.
