Kona Venkat : తెలుగు సినిమా రైటర్, ప్రొడ్యూసర్ గా గుర్తింపు తెచ్చుకున్న కోన వెంకట్ తన పంచ్ డైలాగులకు బాగా ఫేమస్. అమ్మ నాన్న ఓ తమిళ అమ్మాయి, దూకుడు, అదుర్స్, అల్లుడు శీను వంటి సినిమాల ద్వారా మంచి గుర్తింపు తెచ్చుకున్నాడు. కెరీర్ మొదట్లో హిందీ సినిమాలకు డబ్బింగ్ రైటర్ గా పనిచేసిన కోన వెంకట్ దాదాపు 50 సినిమాలకు పనిచేసాడు. ఇటీవలే తాను సినిమాల్లోకి వచ్చి ఇరవై ఏళ్ళు గడిచిన సందర్బంగా సెలెబ్రేట్ చేసుకున్నారు. ఇక శీను వైట్ల కోన వెంకట్ జోడి సినిమాల్లో మంచి హిట్లు అందుకున్నారు. కానీ వాళ్ళ మధ్య విబేధాలు రావడంతో ఇద్దరూ మళ్ళీ కలిసి పనిచేయలేదు.
జెనిలియా ని కథ చెప్పి ఒప్పించా…
కోన వెంకట్ తన సినిమా ప్రయాణంలో విశేషాలను వివరిస్తూ తాను ఏంబిఏ మార్కెటింగ్ చేయడం వల్ల ఎదుటివారిని ఒప్పించడం బాగా తెలుసనీ వెంకటేష్ నటించిన సుభాష్ చంద్ర బోస్ సినిమా విషయంలో నాకు కథను పది నిమిషాల్లో చెప్తే నేను దాన్ని అర్ధగంటకు పొడిగించుకుని జెనిలియాకు చెప్పి సినిమాలో నటించేందుకు ఆమెను కన్విన్స్ చేశాను. ఆ సినిమా విడుదల అయ్యాక సినిమా ఫ్లాప్ అయింది.
దాంతో నన్ను జెనిలియా బాగా తిట్టుకుంది. ఎదుటివారిని బాగా ఒప్పించిగల టాలెంట్ నాకుందని నమ్మే డైరెక్టర్లు కథ చెప్పడానికి నన్ను పంపుతారు అంటూ చెప్పారు. ఇక చిరంజీవి గారు వెంకీ సినిమా తరువాత ఫోన్ చేసి ఇంటికి రమ్మని చెప్పి అభినందించడం జీవితంలో మర్చిపోలేను. అది వెయ్యి ఏనుగుల బలాన్ని ఇస్తుంది ఒక వ్యక్తికి అంటూ చెప్పారు కోన వెంకట్.
