Kota Srinivasa Rao : విలన్ గా, కామెడీ విలన్ గా అటు క్యారెక్టర్ ఆర్టిస్ట్ గా సుమారు 750 సినిమాల్లో నటించిన విలక్షణ నటుడు కోటా శ్రీనివాసరావు గారు తెలియని తెలుగు ప్రేక్షకుడు ఉండడు. బాబు మోహన్ కోటా గారి కాంబినేషన్ అంటే ఆ రోజుల్లో సినిమా కు మినిమమ్ గ్యారెంటీ అనేంతలా వారి పాత్రలు ఉండేవి, కామెడీ పండేది. ఇక సీరియస్ విలన్ గా కూడా రాణించిన కోటా గారు సినిమాల్లో నటిస్తూనే రాజకీయాల్లోకి అడుగుపెట్టారు. ఎమ్మెల్యే గా పనిచేసారు. ఇక ఇపుడు వృధాప్య సమస్యలతో సినిమాలలో పెద్దగా కనిపించని కోటా గారు ఇండస్ట్రీ గురించి, ఇప్పటి తరం నటుల గురించి ఆయన అభిప్రాయాలను, చేదు అనుభవాలను పలు ఇంటర్వ్యూల్లో పంచుకున్నారు.
బాలకృష్ణ నా ముఖం మీద ఉమ్మేశాడు…
ఎన్టీఆర్ లాగా ఒక సినిమాలో వేషం వేసినందుకు ఆయన ఎదుర్కొన్న సంఘటనలను కోటా ఇంటర్వ్యూల్లో పంచుకున్నారు. ఇంకా ఇండస్ట్రీలో అడుగుపెట్టిన కొత్తలో కృష్ణ, విజయనిర్మల గారు తీసిన సినిమా ‘మండలాదీశుడు’ సినిమాలో ఎన్టీఆర్ గారి పాత్ర చేయమని ఆఫర్ వస్తే అప్పటికే బ్యాంకు ఉద్యోగంలో ఉన్న నేను అటు సినిమా ఇటు బ్యాంకు అన్నట్టుగా ఉన్నాను. సరే ఈ పాత్ర చేస్తే.. అయితే ఇండస్ట్రీలో ఉండిపోతా లేదంటే నా బ్యాంకు ఉద్యోగం నాకు ఉంది అనుకుని ఆ సినిమాలో చేశాను. ఒకసారి సినిమా విడుదలయ్యాక కూతురిని చూడటానికి విజయవాడ వెళ్లగా అప్పుడే ఎన్టీఆర్ గారు ఏదో సీఎం హోదాలో పని మీద అక్కడికి రావడంతో రైల్వే స్టేషన్ అంతా జనంతో ఉంది. ఆ సమయంలో నన్ను ఎన్టీఆర్ అభిమానులు వెంబడించి కొట్టారు.
అయినా ఆ సమయంలో సినిమా అవకాశాలు తగ్గలేదు. కృష్ణ గారి సినిమాల్లో అవకాశాలు ఉండేవి. ఇక రాజమండ్రి షూటింగ్ కోసం వెళితే అక్కడ బాలకృష్ణ ఏదో షూటింగ్ కోసం వచ్చాడు. నేను లిప్ట్ కోసం నిలబడి ఉంటే పరుచూరి బ్రదర్స్ పక్కకి పో అంటూ సైగ చేసారు నాకు అర్థం కాలేదు. ఇక బాలకృష్ణ ఎదురు వచ్చాడు, నేను నమస్కారం పెడితే ఆయన నా మోహం మీద ఉమ్మేశాడు. వాళ్ళ నాన్న మీద సినిమా తీసినందుకు కోపం రావడం సహజమే కదా కానీ ఆ పాత్ర చేసినందుకు నేను బాధపడలేదు. ఇక వాళ్ళ అభిమానులు నన్ను వెంబడించి కొట్టి అన్నీ చేసినా సరేలే అనుకుని వదిలేసాను అంటూ అప్పటి చేదు అనుభవాలను చెప్పారు.
