Krishna house maid lakshmamma : సూపర్ స్టార్ కృష్ణ గారు మరణించాక ఆయనకు ఇప్పటికీ ఎంత మంది అభిమానులు ఉన్నారో ఇప్పటి తరం వారికి అర్థమైంది. ఒక చేత్తో చేసిన సహాయం ఇంకో చేతికి తెలియకూడదు అంటారు అలా ఎంతో మందికి సహాయం చేసి ఆదుకున్నారు. ఆలాంటి విషయాలన్నీ ఇప్పుడు బయటికి వస్తున్నాయి. కృష్ణ గారి పద్మాలయా స్టూడియోలో హౌస్ కీపర్ గా పనిచేసిన లక్ష్మమ్మ అనే పనిమనిషి కుటుంబానికి కృష్ణ గారు అలాగే విజయనిర్మల గారు చేసిన సహాయం గురించి ఆమె, ఆమె కుటుంబ సభ్యులు తాజాగా ఇంటర్వ్యూలో పంచుకున్నారు. ఆమె కూతుర్లను తమ కూతుర్లుగా చూసి బాధ్యతగా వారే పెళ్లి చేయించి వాళ్ళ పిల్లల పెళ్లిళ్లు కూడా చేసినట్లు చెప్పారు.
మా కుటుంబ కష్టాలను తీర్చారు…
ఒకే మనిషి నలభై ఏళ్లుగా పనిచేయడం అంటే మామూలు విషయం కాదు. కృష్ణ గారి పద్మాలయా స్టూడియోస్ లో లక్ష్మమ్మ అనే హౌస్ కీపర్ అక్కడే దాదాపు నలభై ఏళ్లుగా పనిచేసింది. ఆమె అక్కడ ఆఫీస్ లో పనిచేసే సమయంలో కృష్ణ గారు వచ్చినా నీ పని చెయ్ లక్ష్మమ్మ నేను వెయిట్ చేస్తా అని చెప్పేవారట. అంత పెద్ద హీరో ముందు నిలబడి ఉంటే భయం వేసేది కానీ కృష్ణ గారు చాలా ఆప్యాయంగా ఎవరినైనా మాట్లాడిస్తారు అంటూ లక్ష్మమ్మ తెలిపారు. ఒక మూడేళ్ళ నుండి కాలు విరగడంతో పని మానేసినా ఆమె కూతుర్లు కోడళ్ళు పనికి వెళ్లడం అక్కడే పని చేయడం విశేషం. కృష్ణ గారి కుటుంబం లక్ష్మమ్మ కుటుంబంలో ఏ కష్టమొచ్చినా మేము ఉన్నాం అని ఆదుకున్నారు అంటూ నేడు కృష్ణ విజయనిర్మల ఇద్దరూ దూరమయ్యారు అంటూ ఎమోషనల్ అయింది లక్ష్మమ్మ.
తన కూతుర్ల పెళ్లిళ్లకు ఆర్థిక సహాయం చేయడమే కాకుండా బంగారం పెట్టి పంపారని ముగ్గురు కూతుర్ల పెళ్లిళ్లకు లక్ష రూపాయల చొప్పున ఇచ్చి బంగారం పెట్టి వాళ్ళ పెళ్ళికి వచ్చి దీవించి వెళ్లారని అంతేకాకుండా మనవళ్ళు, మానవరాళ్ల పెళ్లిళ్ల బాధ్యత కూడా తీసుకున్నారని చెప్పింది లక్ష్మమ్మ. ఇక వాళ్ళింట్లో పండగ అయినా ఏదైనా ఫంక్షన్స్ అయినా మాకు డబ్బులు ఇస్తారని చెప్పింది. ఇల్లు కట్టుకోడానికి స్థలం విషయంలో కూడా వాళ్ళే సహాయం చేశారని వాళ్ళు లేకపోయినా వాళ్ళ వల్లే మేము బతుకుతున్నామని ఎమోషనల్ అయింది లక్ష్మమ్మ.
