సీనియర్ నటుడు, కేంద్ర మాజీమంత్రి కృష్ణంరాజు గురించి ప్రత్యేకంగా చెప్పాల్సిన పనిలేదు. ఈయన తన సినీ ప్రస్థానంలో 183 సినిమాలకు పైగా నటించారు. అంతేకాకుండా ఎన్నో మంచి మంచి సినిమాల్లో నటించి ప్రేక్షకుల మనసులలో తనకంటూ ప్రత్యేకమైన స్థానాన్ని ఏర్పరచుకున్నారు. తాజాగా కృష్ణంరాజు గారికి చిన్నపాటి ప్రమాదానికి గురవ్వడంతో వైద్యులు ఆయనకు సర్జెరీ చేసారట.
పూర్తివివరాల్లోకి వెళితే.. కృష్ణంరాజు హైదరాబాద్ లో అయన నివశిస్తున్న ఇంట్లోనే ప్రమాదవశాత్తు కాలు జారిపదిపోయారట. ఈ క్రమంలో ఆయన కాలుకి గాయం అయిందట. హుటాహుటిన ఆయన్ని హైదరాబాద్ లోని ప్రైవేట్ ఆసుపత్రిలో చేర్పించగా.. ఆయనను పరిశీలించిన వైద్యులు చిన్నపాటి ఆపరేషన్ చేశారట. ఈ క్రమంలో ఆయన కాలులో ఒక వేలుని కూడా తొలగించినట్టు తెలుస్తోంది. సర్జెరీ పూర్తయిన వెంటనే ఆయనను డిశ్చార్జ్ కూడా చేసేసారట. అయితే ప్రమాదమేమీ లేదని ఆయన ఆరోగ్యం నిలకడగా ఉందని తెలుస్తుంది.
ఇక కృష్ణంరాజు.. ‘రాధే శ్యామ్’ సినిమాలో ప్రభాస్ గురువు పాత్రలో నటించిన విషయం తెలిసిందే.. ఈ సినిమా మార్చి 11న విడుదల కాబోతుంది. కృష్ణంరాజు సొంత బ్యానర్ ‘గోపికృష్ణా మూవీస్’ సమర్పణలో ఈ మూవీ రూపొందింది.
