Lirisha Kunapareddy : వకీల్ సాబ్ సినిమాలో సూపర్ ఉమెన్ గా ఓవర్ నైట్ స్టార్ అయిపోయిన నటి లీరీష. లీరీష అంటే ఎవరు గుర్తుపట్టకపోవచ్చు కానీ సూపర్ వుమన్ సరళదేవి అంటే టక్కున గుర్తు పడతారు. వకీల్ సాబ్ సినిమాలో కోర్ట్ సీన్ లో సూపర్ కాప్ గా కనిపించిన లీరీష చాలా ఏళ్లుగా ఇండస్ట్రీ లో ఉన్నా వకీల్ సాబ్ సినిమా తరువాత మంచి గుర్తింపు అవకాశాలను అందుకుంటోంది. సినిమా ఇండస్ట్రీ లో తాను ఎదుర్కొన్న సమస్యలను, సీరియల్స్ లో అవకాశాలను గురించి లీరీష ఇటీవల యూట్యూబ్ లో ఇంటర్వ్యూ లో పంచుకుంది
రెమ్యూనరేషన్ ఎగొట్టారు… పెద్ద ప్రొడక్షన్ హౌస్ లో ఇలా జరుగుతాయి…..
చాలా మంది చిన్న ఆర్టిస్టులు తరచు సినిమా ఇండస్ట్రీ మీద చేసే కంప్లెయింట్ ఒకటే అదే రెమ్యూనరేషన్ విషయంలో మోసపోయము అని, ఇప్పుడు లీరీష కూనపరెడ్డి కూడా ఇదే విషయంలో తాను ఎదుర్కొన్న ఇబ్బందులను తెలిపింది. వరుడు లాంటి పెద్ద సినిమ విషయంలోనే తాను రెమ్యూనరేషన్ సమస్య ఎదుర్కొన్నానని చెప్పారు. నలభై రోజులు షూటింగ్ అయ్యాక సగంపేమెంట్ ఇచ్చారు.
మళ్ళీ అడిగిన మిగిలిన బ్యాలన్స్ ఇవ్వలేదు అంటూ చెప్పారు. పెద్ద ప్రొడక్షన్ హౌస్ లోనే ఇలాంటివి జరుగుతాయి. కారణం నిర్మాత డైరెక్ట్ గా డబ్బులు ఇవ్వడు కింద మేనేజర్స్ ఉంటారు వారి వల్ల కమ్యూనికేషన్ సమస్యలు వస్తాయి అంటూ చెప్పారు. ఇక కొన్ని చిన్న సినిమాలకు కూడా పేమెంట్ లు ఇవ్వలేదు ఇప్పటికీ నా బ్యాలన్స్ పేమెంట్ కోసం నిర్మాతకు ఫోన్ చేస్తూనే ఉన్నా ఇప్పటికీ స్పందించరు అంటూ చెప్పారు. ఇక సీరియల్స్ లో నటిస్తున్న లీరీష తమిళ ఇండస్ట్రీ లో నటించాలని ఉందంటూ చెప్పారు.
