Manchu Manoj : గత రెండు రోజులుగా బాగా వైరల్ అవుతున్న వార్త ఏదైనా ఉంది అంటే అది మంచు మనోజ్, భూమా మౌనికా రెడ్డి పెళ్లి. వీళ్లిద్దరూ రెండో పెళ్లి చేసుకోబోతున్నారనగానే అసలు వీరికి ఎలా పరిచయం అనే ఆరాలు మొదలయ్యాయి. మొన్న మనోజ్ స్నేహితుడు రవి అనే వ్యక్తి సీతాఫల్ మండి లో వినాయకుణ్ణి పెట్టడం, అక్కడికి మనోజ్ ను ఆహ్వానించడంతో మనోజ్, మౌనిక ఇద్దరూ అక్కడకి ప్రత్యేక పూజలు చేయించుకోడానికి రావడంతో అందరి దృష్టి ఈ జంట మీద పడింది. ఇప్పటికే మంచు మనోజ్ ఒక పెళ్లి జరిగి విడాకులు తీసుకుని ఒంటరిగా ఉంటున్నాడు. అయితే మౌనిక కూడా పెళ్లి చేసుకుని విడాకులు తీసుకున్న సంగతి చాలా మందికి తెలియదు.
మౌనికా రెడ్డి పెళ్ళిలో సందడి చేసిన మనోజ్…
మౌనికా రెడ్డి కి 2015 లో చిత్తూరు జిల్లా కు చెందిన గణేష్ రెడ్డి అనే వ్యాపారవేత్తతో పెళ్లి ఘనంగా జరిగింది. వీరికి ఒక కొడుకు కూడా ఉన్నాడు. అయితే 2020 తరువాత ఈ జంట విడిపోయారు. యాదృచ్చికమో మరేమిటో కానీ మౌనికా రెడ్డి మొదటి పెళ్లి లో మనోజ్ హాజరైయ్యాడు. ఇప్పుడు వీరిద్దరూ పెళ్లి చేసుకోబోతున్నారు అనే విషయం బయటికి రావడంతో మౌనికా రెడ్డి పెళ్ళిలో మనోజ్ ఉన్న వీడియో ఇప్పుడు సోషల్ మీడియాలో బాగా వైరల్ అవుతోంది.
ఇక మౌనిక భర్తతో విడాకులు తీసుకున్నా వాళ్ళ బిడ్డ విషయంలో ఇంకా సెటిల్ అవలేదంట అందుకే పెళ్లి విషయంలో ఇంకా నిదానంగా ఉన్నారనే వార్తలు వినిపిస్తున్నాయి. మౌనికా రెడ్డి, మంచు మనోజ్ లు చెన్నై లో స్నేహితుల ద్వారా కలిశారు. ఆ తరువాత వారిద్దరూ పరిచయం పెంచుకుని ప్రస్తుతం హైదరాబాద్ లో కలిసి ఉంటున్నారనే టాక్ వినిపిస్తోంది. త్వరలోనే పెళ్లి చేసుకోబోతున్నారు అంటూ జోరుగా ప్రచారం జరుగుతోంది. ఇద్దరూ ఇప్పటికే కలిసి వ్యాపారం కూడా చేస్తున్నారు.
