Manchu Vishnu: ఇది చిన్న గొడవే… భూతద్దంలో పెట్టి చూడకండి… గొడవపై క్లారిటీ ఇచ్చిన విష్ణు!

Manchu Vishnu: ప్రస్తుతం టాలీవుడ్ ఇండస్ట్రీలో మంచు బ్రదర్స్ మధ్య జరిగినటువంటి వివాదం హాట్ టాపిక్ గా మారింది.గత కొద్దిరోజులుగా మనోజ్ విష్ణు మధ్య మాటలు లేవని అందుకే మనోజ్ తన ఫ్యామిలీకి దూరంగా ఉంటున్నారని వార్తలు వచ్చాయి. అయితే మనోజ్ పెళ్లిలో భాగంగా ఎలాంటి మనస్పర్ధలు లేవని తెలిసినప్పటికీ విష్ణు మాత్రం పెళ్లికి ఒక అతిథిలా వచ్చి వెళ్లిపోవడంతో మరికొన్ని అనుమానాలు బలమయ్యాయి.

ఇక మనోజ్ పెళ్లి జరిగి నెల కూడా గడవకముందే విష్ణు ఏకంగా మనోజ్ పై దాడికి ప్రయత్నించారు.ఈ క్రమంలోనే మనోజ్ అనుచరుడు సారథి ఇంటికి వెళ్లి సారధి పై దాడి చేయడమే కాకుండా మనోజ్ పై కూడా విష్ణు దాడికి ప్రయత్నం చేశారు.అయితే ఇందుకు సంబంధించిన వీడియోని మనోజ్ సోషల్ మీడియాలో షేర్ చేస్తూ ఇలా తరచూ తన బంధువుల ఇంటికి వచ్చి కొడుతూ ఉంటారని తెలిపారు.

ఇక ఈ వీడియో వైరల్ గా మారడంతో వీరిద్దరి మధ్య గొడవలకు కారణం ఏంటి అని పెద్ద ఎత్తున ఆరా తీస్తున్నారు. అయితే తాజాగా ఈ గొడవపై మంచు విష్ణు స్పందించారు. ఇది నిన్న జరిగిన గొడవ ఇలాంటి గొడవలు మా మధ్య జరగడం సర్వసాధారణం. మనోజ్ చిన్నవాడు ఏదో ఆవేశంలో ఈ వీడియోని షేర్ చేశారు. ఈ గొడవను పెద్దగా పట్టించుకోవాల్సిన అవసరం లేదని తెలిపారు.

Manchu Vishnu: అన్నదమ్ముల మధ్య సర్వసాధారణం….

ఇది మా మధ్య తరచూ జరిగే చిన్న గొడవ దీనిని భూతద్దంలో పెట్టి చూడకండి అంటూ విష్ణు ఈ గొడవను చాలా తేలికగా తీసుకున్నారు.ఇక మంచు ఫ్యామిలీ సభ్యులు కూడా ఎలాంటి గొడవలు లేవంటూ అన్నదమ్ముల మధ్య ఇలాంటి గొడవలు ప్రతి ఒక్కరి ఇండ్లలోను జరుగుతాయి అంటూ చెప్పుకు రావడం చూస్తుంటే ఈ గొడవలు చాలా తేలికగా తీసుకున్నారని తెలుస్తుంది. మొత్తానికి ఈ విషయం ప్రస్తుతం ఇండస్ట్రీలో సంచలనంగా మారింది.