Mega Brother Nagababu : మెగా బ్రదర్ గా ఇండస్ట్రీలో పరిచయం అక్కర్లేని పేరు నాగబాబు. అన్న, తమ్ముడు ఇండస్ట్రీలో అగ్ర హీరోలుగా కొనసాగుతున్నా తాను మాత్రం నిర్మాతగా అలానే క్యారెక్టర్ ఆర్టిస్ట్ గాను విలన్ గాను తనని తాను నిరూపించుకుంటూ గుర్తింపు తెచ్చుకున్నారు. ఇక నిర్మాతగా ‘ఆరంజ్’ సినిమా వల్ల వచ్చిన నష్టాలతో ఆర్థికంగా బాగా ఇబ్బందులు పడిన నాగబాబు ఆ తరువాత బుల్లి తెర మీద జబర్దస్త్ కామెడీ షో ద్వారా ఫేమస్ అయ్యారు. సినిమాల ద్వారా కొంతవరకే అభిమానులు ఉన్నా జబర్దస్త్ ద్వారా టీవీ ప్రేక్షకులకు దగ్గరయ్యారు. ఇక మా ఎలక్షన్స్ లో ఎంతో కీలకంగా వ్యవహరించిన నాగబాబు మంచు విష్ణు ప్యానెల్ కి సంబంధిచిన మెంబెర్ నరేష్ గురించి చేసిన కామెంట్స్ వైరల్ అయ్యాయి.
నరేష్ మానసిక పరిస్థితి బాగోలేదు…
నాగబాబు మా అసోసియేషన్ ఎన్నికల సమయంలో ప్రకాష్ రాజ్ ప్యానెల్ కి మద్దతుగా నిలబడ్డారు. ఇక అదే సమయంలో అటు మంచు విష్ణు ప్యానెల్ కి మద్దతుగా సీనియర్ ఆర్టిస్ట్ నరేష్ మద్దతుగా నిలబడ్డారు. ఇక ఈసారి మా ఎలక్షన్స్ సాధారణ ఎన్నికలను తలపించిన సంగతి తెలిసిందే. మేనిఫెస్టోలు, హామీలు, ప్రెస్ మీట్లు అంటూ నానా హడావిడి చేసారు. అలాంటి సమయంలో నాగబాబు విష్ణు ప్యానెల్ గురించి విమర్శిస్తూ ఇలా మా ఎలక్షన్స్ కావడానికి, ప్రజల ముందు చులకన కావడానికి కారణం నరేష్ అంటూ మాట్లాడారు.
నరేష్ అంతకుముందు తానే మద్దతు ఇచ్చిన వ్యక్తి అధ్యక్షుడు అయ్యాక ఓర్వలేక పోయాడు. నరేష్ తనని తాను దైవాంశ సంభూతుడిలాగా ఫీల్ అవుతాడు. తనని తాను ప్రేమించుకోవడం తప్ప ఇతరులను ఓర్వలేని మనస్తత్వం, అతనొక మానసిక రుగ్మతతో బాధపడుతున్న వ్యక్తి. ఖచ్చితంగా చెప్పాలంటే అతనో తేడాగాడు అంటూ నాగబాబు నరేష్ గురించి హాట్ కామెంట్స్ చేసారు.
