Mega Star Chiranjeevi : సినీ అభిమానులకు పరిచయం అవసరంలేని పేరు మెగాస్టార్ చిరంజీవి. ‘పునాది రాళ్లు’ సినిమా ద్వారా తన నట జీవితాన్ని ప్రారంభించిన చిరంజీవి ఇప్పటి వరకు 150 పైగా సినిమాలలో నటించి అభిమానులను అలరిస్తున్నాడు. ఇప్పటికీ కుర్ర హీరోలకు పోటీ ఇస్తూ వరుస సినిమాలతో ముందుకు వెళ్తున్నాడు. త్వరలో చిరంజీవి హీరోగా ‘గాడ్ ఫాదర్’ సినిమా రాబోతున్న విషయం తెలిసిందే. ఈ సినిమా విడుదలకు సిద్ధమవుతున్న వేల ఒక బాలీవుడ్ ఛానల్ కు ఇచ్చిన ఇంటర్వ్యూలో చిరంజీవి ఆసక్తికర విషయాలు చెప్పుకొచ్చారు.
రాజమౌళితో సినిమా చేయాలని లేదు…
రాజమౌళి దర్శకత్వంలో సినిమా చేయాలని అందరూ ఎదురు చూస్తుంటారు. అయనతో సినిమా చేసే అవకాశం కోసం ఎదురు చూస్తుంటారు. అయితే చిరంజీవి మాత్రం నాకు రాజమౌళి తో సినిమా చేయాలని లేదు అని ఇదివరకే చెప్పారు. అయితే తాజాగా బాలీవుడ్ ఛానల్ కు ఇచ్చిన ఇంటర్వ్యూలో దీని గురించి ప్రస్థావించగా రాజమౌళి ఒక అద్భుతమైన దర్శకుడు. భారతీయ చలన చిత్ర పరిశ్రమ ఖ్యాతిని ప్రపంచానికి చాటి చెప్పారు. ప్రతి సీన్ లో, నటులలో అనుకున్న పర్ఫెక్షన్ వచ్చేవరకు శ్రమిస్తారు, నటుల నుంచి తాను అనుకున్నది రాబడతారు.
తన అంచనాకు తగ్గట్టు నేను నటిస్తానో లేదో నాకు తెలియదు. ఇక రాజమౌళి ఒక సినిమాను ఎన్ని సంవత్సరాలు తీస్తాడో మనకు తెలిసిందే. నేను ఒక్కోసారి నాలుగు అయిదు సినిమాలతో బిజీ గా ఉంటాను. అందుకే నాకు ఆయనతో సినిమా చేయాలని, పాన్ ఇండియా ఇమేజ్ తెచుక్పవాలని లేదు. కానీ నాకు ఒక సినిమాకి దర్శకత్వం చేయాలని ఉంది అని తన మనసులో మాట చెప్పుకొచ్చారు.
