Mucherla Aruna : సీనియర్ నటి ముచ్చర్ల అరుణ దక్షిణాది అన్ని భాషలలోనూ నటించి మంచి గుర్తింపు తెచ్చుకుంది. తెలంగాణలోని ఖమ్మం జిల్లా కొత్తగూడెంలో పుట్టింది. హైదరాబాద్ లో చదువు పూర్తిచేసి మ్యూజిక్ అకాడమీలో డాన్స్ నేర్చుకుంటున్న సమయంలో లెజెండరీ దర్శకుడు ఇళయరాజా దర్శకత్వంలోని సీతా కొక చిలుక సినిమా అవకాశం వచ్చింది. కార్తీక్, అరుణ జంటగా నటించిన ఈ సినిమా అప్పట్లో మంచి హిట్ అందుకుంది. ఈ సినిమా తరువాత అరుణ ఇక వెను తిరిగి చూసుకోవాల్సిన అవసరం రాలేదు. హీరోయిన్ గా తెలుగులో 36, తమిళంలో 24, మలయాళంలో 14, కన్నడలో 3 సినిమాలు చేసింది. 16ఏళ్లకే సినిమా ఇండస్ట్రీ లో అడుగుపెట్టిన అరుణ 1990 లో మోహన్ గుప్తా అనే వ్యక్తిని ప్రేమించి పెళ్లి చేసుకుంది.
పెళ్లి తరువాత సినిమాలకు దూరమైన అరుణ కుటుంబ బాధ్యతలతో జీవితాన్ని ఆస్వాదిస్తున్నారు. ఇక అరుణ మోహన్ గుప్తాలకు నలుగురు ఆడపిల్లలు. ఎపుడు మీడియాకి కానీ ఇంకెక్కడా కనిపించని అరుణ చాలా రోజుల తరువాత యూట్యూబ్ చానెల్ కి ఇంటర్వ్యూ ఇచ్చింది. తన పిల్లలు ప్రస్తావన వచ్చినపుడు ఎందుకు నలుగురు ఆడపిల్లలు అన్న ప్రశ్నకు ఆసక్తికరంగా సమాధానం ఇచ్చారు. మొదటిసారి ఆడపిల్ల పుట్టినపుడు తన అత్త గారూ సంతోషంగా లేరని మగబిడ్డ అయితే బాగుండు అన్నారట. ఇక రెండో బిడ్డ మూడు ఆడపిల్ల పుట్టేసరికి అరుణ తల్లి గారు కూడా బాధ పడ్డారట.
నాలుగోసారి ఆడపిల్ల అనేసరికి అందరూ ఏడ్చేశారు అంటూ ఎప్పటి విషయాన్నీ చెప్పారు రతి ఇంట్లో ఉండే విషయమే ఒక్క మగబిడ్డయినా ఉండాలని కోరుకుంటారు అంటూ చెప్పారు. ఇక ఆడపడుచు ఒక పాపను దత్తత తీసుకోవాలని భావించినా తనకు తన భర్త కు ఆడపిల్ల మగపిల్లాడు అనే భేదం లేదని మేము మా పిల్లలు విషయంలో ఆనందంగా ఉన్నామని చెప్పుకొచ్చారు. ఇక పిల్లలు పై చదువులు చదివి బాగా సెటిల్ అవుతున్నారని, సర్వీస్ చేయడానికి ఆసుపత్రులు నిర్మించాలనుకుంటున్నట్లు మనసులోని మాటను చెప్పారు.
