Murali Mohan : సంక్షేమ పథకాలు ఎక్కువై అభివృద్ధి తక్కువైంది.. క్యాపిటల్ లేదు.. అభివృద్ధి లేదు : మురళీ మోహన్

0
100

Murali Mohan : రాజకీయాలకు, సినిమాలకు మధ్య విడదీయ్యరాని బంధం ఉంది. రామారావుగారు రాజకీయాల్లోకి వచ్చినపుడు ముఖానికి రంగేసుకునే వాళ్ళు రాజకీయాలకు పనికిరారని విమర్శలొచ్చాయి. కానీ రామారావు గారు సొంత పార్టీ పెట్టి ముఖ్యమంత్రి అయ్యాక సినిమా వాళ్ళు చాలా మంది రాజకీయాలవైపు అడుగులేసారు. అటు తమిళ నాడు రాజకీయాల్లోను సినిమా వాళ్లే ముఖ్యమంత్రులుగా ఉన్నారు. ఇక చాలా మంది సినిమా ప్రముఖులు ఎంపీలు, ఎమ్మెల్యే లుగా రాజకీయాల్లో రాణించారు. అలాంటి వారిలో మాగంటి మురళి మోహన్ గారు ఒకరు. సినిమాల నుండి రాజకీయాలవైపు వచ్చిన ఆయన టీడీపీ పార్టీ తరుపున ఎన్నికై ఎంపీ గా సేవలందించారు. ప్రస్తుతం ఆయన ప్రత్యక్ష రాజకీయాలకు దూరంగా ఉంటూ కేవలం తన కుటుంబం, అలాగే ఆయన సేవలు అందిస్తున్న ట్రస్ట్ భాద్యతలను చూసుకుంటున్నారు.

అభివృద్ధి.. సంక్షేమం సమానంగా ఉండాలి…

ఇక ప్రస్తుత రాజకీయాలకు దూరంగా ఉన్న మురళీ మోహన్ గారు రాజకీయాల్లో జరుగుతున్న పరిణామాలను మాట్లాడటానికి ఇష్టపడకపోయినా కొన్ని కామెంట్స్ మాత్రం జగన్ ప్రభుత్వం మీద చేసారు. ఏ ప్రభుత్వం వచ్చినా సంక్షేమం, అభివృద్ధి రెండు సమానంగా జరిగినపుడే రాష్ట్రం బాగుపడుతుంది. అలా కాక సంక్షేమ పథకాలతోనే పాలన సాగిస్తే రాష్ట్ర అభివృద్ధి కుంటుబడి రాష్ట్రం ముందుకెళ్ళదు. ఇప్పుడున్న జగన్ ప్రభుత్వం మీద విమర్శలు చేయాలనుకోవడం లేదు, కానీ ఎవరు అధికారం లో ఉన్నా చేయాల్సింది అదే అని మాత్రమే చెబుతున్నాను.

రాజకీయాల గురించి మాట్లాడాలని అనుకోవడం లేదు. ఇన్నేళ్లు వ్యాపారం, సినిమాలు వీటి మీదే ఉండి నా కుటుంబంతో చాలా తక్కువగా గడిపాను. అందుకే ఎప్పుడు ఏ విధమైన పనులు లేకుండా కేవలం నా ఆకుటుంబానికి సమయం కేటాయిస్తున్నాను. మరీ ముఖ్యంగా నా భార్యతో సమయం గడుపుతున్నాను. ఇక నా సేవ ట్రస్ట్ పనులను చూసుకుంటూ ఉన్నాను. ఇక సినిమాలు వ్యాపారం, రాజకీయాలను పెద్దగా పట్టించుకోవాలని అనుకోవడం లేదు అంటూ మురళీ మోహన్ చెప్పారు.