పవన్ కళ్యాణ్ హీరోగా కీర్తి రెడ్డి హీరోయిన్ గా నటించిన తొలిప్రేమ సినిమా ఎంతగా ప్రేక్షకులను ఆకట్టుకుందో మనకు తెలిసిందే. ఈ సినిమాలో హీరోయిన్ గా నటించిన కీర్తి రెడ్డి ఈ సినిమా ద్వారా మంచి గుర్తింపును సంపాదించుకుంది. ఈ క్రమంలోనే అప్పట్లో హీరోగా ఎంతో గొప్ప స్థాయిలో ఉన్న నటుడు సుమంత్ ను కీర్తి రెడ్డి వివాహం చేసుకున్న సంగతి మనకు తెలిసిందే.
కీర్తి రెడ్డి సుమంత్ ను ప్రేమించి 2004వ సంవత్సరంలో పెళ్లి చేసుకున్నారు. పెళ్లి తర్వాత వీరిద్దరి మధ్య మనస్పర్థలు రావడంతో 2006 లో విడాకులు తీసుకుని విడిపోయారు. సుమంత్ నుంచి విడాకులు తీసుకున్న ఈ నటి ఒక డాక్టర్ ని పెళ్లి చేసుకొని లండన్ లో సెటిల్ అయింది. ఇప్పుడు ఈమెకు ఇద్దరు పిల్లలు కూడా ఉన్నారు.వైవాహిక జీవితంలో ఎంతో ఆనందంగా గడుపుతున్న కీర్తి రెడ్డి తాజాగా సుమంత్ గురించి ఒక ఆసక్తికరమైన విషయాన్ని వెల్లడించారు.
1996లో గన్ షాట్ చిత్రం ద్వారా తెలుగు తెరకు పరిచయమైన ఈ నటి ఆ తర్వాత పలు సినిమాలలో నటించి మంచి గుర్తింపు సంపాదించుకుంది. తెలుగులో అర్జున్, రావోయి చందమామ, తొలిప్రేమ వంటి సినిమాలలో నటించినందుకుగాను ఈమె ఉత్తమనటి అవార్డు గెలుచుకున్నారు.ఈ క్రమంలోనే సుమంత్ ను ప్రేమించి పెళ్లి చేసుకోవడం ఆ తర్వాత అతని నుంచి విడాకులు తీసుకోవడం కూడా జరిగింది.
సుమంత్ ను పెళ్లి చేసుకున్నాక ఈమెకు ఎంతో మంది స్టార్ హీరోల సినిమాలలో అవకాశాలు వచ్చాయి. అయితే పెళ్లి తర్వాత సినిమాల్లో నటించకూడదని భావించిన ఈమె అలాంటి అద్భుతమైన అవకాశాలన్నింటిని వదులుకున్నారు. ఇక ఈమెతో విడాకులు తీసుకున్న తర్వాత సుమంత్ ఇప్పటివరకు ఒంటరిగానే గడుపుతున్నాడు. ఈ సందర్భంగా కీర్తి రెడ్డి సుమంత్ గురించి ఓ సందర్భంలో పలు ఆసక్తికరమైన వ్యాఖ్యలు చేశారు. తన జీవితంలో సుమంత్ ను పెళ్లి చేసుకుని ఉండకపోతే తన జీవితం ఇంకా బాగుండేదని, ఈ సందర్భంగా నటి తెలియజేశారు.
