తెలుగు పరీక్ష రాస్తే విష్ణుకు పాస్ మార్కులు కూడా రావు.. నాగబాబు షాకింగ్ కామెంట్స్!

మూవీ ఆర్టిస్ట్ అసోసియేషన్ ఎన్నికలు రోజురోజుకు తీవ్ర వివాదం లేపుతున్నాయి. ఈ క్రమంలోనే ఒకరి ప్యానెల్ సభ్యులపై మరొకరు తీవ్ర స్థాయిలో విమర్శలు చేసుకుంటూ ఉన్నారు. గతంలో ఎప్పుడూ లేనివిధంగా ఈసారి మా ఎన్నికలు హోరాహోరీగా జరగనున్నాయి. ఈ క్రమంలోనే ప్రకాష్ రాజ్ ప్యానల్ తరఫున మెగా బ్రదర్ నాగబాబు మరొకసారి ప్రెస్ మీట్ పెట్టి తనదైన శైలిలో మంచు ప్యానెల్ సభ్యులపై షాకింగ్ కామెంట్ చేశారు.

దేశ ప్రధానితో పోరాటం తెలిసిన వ్యక్తి ప్రకాష్ రాజ్ అని, ప్రకాష్ రాజ్ కు విష్ణుతో అసలు పోలికలు లేవని ఆయన ఆరోపించారు. మోహన్ బాబు విద్యాసంస్థలను నడపటం వల్ల విద్యార్థులకు ఏం కావాలో ఆయనకు బాగా తెలుసు. అదే ప్రకాష్ రాజ్ ఓ మంచి నటుడిగా నటీనటులకు ఏం కావాలో తనకి తెలుసని నాగబాబు తెలిపారు. ఇక నిర్మాతలతో కేవలం ప్రకాష్ రాజ్ కు మాత్రమే కాకుండా, మంచు కుటుంబానికి కూడా విభేదాలు ఉన్నాయని ఈ సందర్భంగా నాగబాబు గుర్తు చేశారు.

ఇక మా ఎన్నికలలో లోకల్ నాన్ లోకల్ అంటూ పెద్ద ఎత్తున విమర్శలు చేస్తున్నారని అసలు తెలుగు పరీక్ష పెడితే విష్ణుకి పాస్ మార్కులు కూడా రావని ఈ సందర్భంగా నాగబాబు మంచు విష్ణు పై విమర్శలు చేశారు. ప్రకాష్ రాజ్ ను ప్రతి ఒక్కరు తెలుగోడని భావిస్తారు, అదే మంచు విష్ణుకు తెలుగు నేర్చుకోమని చెబుతారు. ఎంతో విజ్ఞానం, సినిమా జ్ఞానం ఉన్నటువంటి ప్రకాష్ రాజ్ కి తన మద్దతని మరోసారి నాగబాబు తెలిపారు.

ఇలా ఒకరి ప్యానల్ సభ్యుల గురించి మరొకరు పెద్ద ఎత్తున విమర్శలు చేసుకుంటూ మా ఎన్నికల గురించి ఉత్కంఠతను రేపుతున్నారు. మరి 10వ తేదీ జరగబోయే ఎన్నికలలో మా అధ్యక్ష పదవిని ఎవరు దక్కించుకుంటారు అధ్యక్ష పీఠంపై ఎవరు ఉంటారు అనేది తెలియాల్సి ఉంది.