Nagarjuna: నేను స్టార్ హీరో అయ్యాను అంటే కారణం వాళ్లే.. కింగ్ నాగార్జున కామెంట్స్ వైరల్!

Nagarjuna: టాలీవుడ్ కింగ్ నాగార్జున అక్కినేని వారసుడిగా ఎనిమిది నెలల వయసులోనే వెలుగునీడలు అనే సినిమాలో కెమెరా ముందుకు వచ్చారు. నాగేశ్వరరావు నటించిన ఈ సినిమాలో నాగార్జున బాల నటుడిగా నటించారు. అనంతరం సుడిగుండాలు అనే సినిమాలో కూడా ఈయన బాలనటుడిగా నటించి సందడి చేశారు.

ఈ విధంగా ఇండస్ట్రీలో బాలనటుడిగా మెప్పించిన ఈయన అనంతరం హీరోగా ఇండస్ట్రీలోకి అడుగుపెట్టి ఎన్నో వైవిధ్య భరితమైన పాత్రలలో నటించి మెప్పించారు. అన్ని జానర్లలో సినిమాలు చేసి మంచి గుర్తింపు సంపాదించుకున్న హీరోలలో నాగార్జున ఒకరు.ఇకపోతే ఈయన హీరోగా మాత్రమే కాకుండా ఎన్నో సినిమాలలో అతిథి పాత్రలో నటించారు అయితే ఈయన అతిథి పాత్రలో నటించిన సినిమాలు కూడా మంచి హిట్ కావడం విశేషం.

నాగార్జున త్రిమూర్తులు, రావుగారిల్లు, ఘటోత్కచుడు, నిన్నే ప్రేమిస్తా, స్టైల్, తకిట తకిట, దొంగాట, అధిపతి, అఖిల్, సైజ్ జీరో, ప్రేమమ్ సినిమాలలో గెస్ట్ రోల్స్ లో మెప్పించారు.ఇలా ఎన్నో వైవిధ్యభరితమైన పాత్రలలో నటించడమే కాకుండా పలు సినిమాలలో అతిథి పాత్రలో నటించి మంచి విజయాలను సొంతం చేసుకున్న క్రెడిట్ నాగార్జునకి దక్కిందని చెప్పాలి. ఇకపోతే ఒక ఇంటర్వ్యూలో పాల్గొన్న నాగార్జున తన కెరీర్ గురించి కూడా పలు ఆసక్తికరమైన విషయాలను తెలిపారు.

Nagarjuna: డైరెక్టర్లే కారణమా…

తాను స్టార్ హీరోగా ఇండస్ట్రీలో ఈ స్థానంలో ఉన్నానంటే అందుకు గల కారణం తన డైరెక్టర్లేనని ఈ సందర్భంగా నాగార్జున తెలిపారు.డైరెక్టర్లు ఎంతో విభిన్నమైన కథలను సిద్ధం చేసి తన పాత్రలను భిన్నంగా చూపించడం వల్లే తాను మంచి విజయాలను అందుకొని ఈ స్థాయిలో ఉన్నానని నాగార్జున ఈ సందర్భంగా వెల్లడించారు. ఇలా నాగార్జున చేసిన ఈ కామెంట్స్ ప్రస్తుతం వైరల్ అవుతున్నాయి. ఇకపోతే ఈయన ప్రస్తుతం ది ఘోస్ట్ చిత్రం ద్వారా ప్రేక్షకుల ముందుకు రానున్నారు ఇలా ఒక వైపు సినిమాలు చేస్తూనే మరోవైపు బుల్లితెర కార్యక్రమాలకు వ్యాఖ్యాతగా వ్యవహరిస్తూ బిజీగా ఉన్నారు.